Богов се повлече, Анита Ангеловска-Бежоска нов предлог за гувернер

Димитар Богов не го издржа притисокот од јавноста.

На само 4 дена пред истекот на неговиот мандат како гувернер на НБРМ - самиот се повлече од реизбор.

Во пишана изјава за МИА посочил дека одлуката ја донел поради реакциите во јавноста како и рокот за избор на нов гувернер.

Од кабинетот на Иванов експресно, со нов предлог. Анита Ангеловска Бежовска, актуелен вицегувернер во НБРМ е новиот предлог на Иванов. Откако Богов писмено го известил претседателот дека се повлекува од кандидатурата, претседателот предлогот го доставил до Собранието.

Според Иванов, Анита Ангеловска- Бежовска е решение за гувернерската позиција, поради нејзината професионалност.

Таа осум години на функцијата вицегувернер, задолжен за областите монетарна политика, истражување и статистика.

Деновиве од СДСМ за Канал 5 посочија дека очекуваат предлог од Иванов кој ќе биде прифатлив за поголемиот дел од пратениците.

Дали за новиот предлог има консензус, од кабинетот на претседателот не соопштуваат.

Мандатот на Богов како гувернер завршува на 20 мај, а на 21 на собраниска седница, според собраниски извори, ќе биде ставена точка на дневен ред за избор на нов гувернер.

Вратен и третиот мандат за формирање влада, следат нови избори во Бугарија

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претставниците на партијата „Има таков народ“ (ИТН) денеска на бугарскиот претседател Румен Радев му го вратија третиот и последен мандат за состав на влада, што тој им го врачи, со што се отвора патот за закажување на вонредни парламентарни избори.

Мандатот што и беше врачен на ИТН беше последна шанса за формирање на редовна влада во рамките на Народното собрание, јавува Бугарското радио.

Претседателот Радев сега мора да одреди датум за предвремени парламентарни избори, откако три мандати за формирање влада му беа вратени.

Кина официјално ги укина царините за австралиското вино

Кинеското Министерство за трговија денеска соопшти дека ги укина тарифите за австралиското вино кои важеа повеќе од три години.

Одлуката за укинување на царините стапува на сила утре, се вели во соопштението на кинеското Министерство.

Кина воведе тарифи за австралиското вино во 2020 година за време на дипломатски препирки меѓу Канбера и Пекинг, а во еден момент тие нагло се зголемија над 200 отсто.

Австралиските производители на вино со тоа беа тешко погодени бидејќи Кина беше најголемата извозна дестинација на Австралија.

Во 2020 година, Пекинг воведе серија санкции за австралиските стоки, за кои се проценува дека ја чинеле австралиската економија повеќе од 12 милијарди евра.

Повеќето од гореспоменатите санкции оттогаш се укинати бидејќи односите меѓу двете земји се подобрија.

Кривична пријава за узурпација на земјиште кај цветен пазар зад поликлиниката Бит пазар

Единицата за економски и компјутерски криминал при СВР Скопје поднесе кривична пријава против А.Р. (62) од Скопје и против правно лице од Скопје за сторено кривично дело  „узурпација на недвижности“, соопшти МВР.

А.Р. како сопственик и управител на второпријавеното правно лице, подолг временски период противправно завладеал имот сопственост на државата и го ставил во владение на своето правно лице. А.Р. имотот кој се наоѓа веднаш до цветниот пазар позади поликлиниката Бит Пазар во Скопје, кој претставува градежно неизградено земјиште во општа употреба во сопственост на државата, противзаконски го оградил со наплатна рампа и куќарка за наплата на влез-излез и за секој влез- излез наплаќал соодветен паричен надомест. На тој начин го оневозможил слободното движење и користење на просторот од страна на граѓаните и институциите.

притисни ентер