Заев ја прифати фрлената ракавица – ќе се соочи со Мицкоски на ТВ-дуел

Канал 5 и „Само Вистина“ упатија покани до Заев и Мицкоски

 Со ова македонската јавност по две децении ќе го има задоволството да гледа дебата на двајцата лидери на најголемите партии на Македонците, СДСМ и ВМРО-ДПМНЕ. Заев е веќе во  бугарија на самитот на ЕУ за западен Балкан. Во негово име одговори владиниот портпарол. Во секое време премиерот Заев е подготвен на тв дуел со лидерот на опозицијата, по 20 годишно нивно апстинирање на сите теми од сите аспекти, рече Бошњаковски за Канал 5.

Мицковски вчера по седницата на партискиот централен комитет го повика претседателот на владата Заев да се соочат на телевизија и да разговараат за преговорите за името.

– Да дискутираме за ова прашање, да може тој да ги информира граѓаните република Македонија, за тоа како преговара, за што преговара. Но, и да дискутираме за сите оние фаули што ги прави на полето на економијата, на немањето реформи, во образованието, во здравството, да дискутираме за сите оние погрешни политики што се случуваат оваа измината една година, така што еве можност да можат граѓаните да видат за каква политичка гарнитура станува збор, а ние се разбира да можеме да слушнеме да видиме и да ја дознаеме конечно таа лекција која така одамна ја најавуваше само да можат граѓаните да ја слушнат, па можеби и ќе научиме нешто, рече Мицкоски.

Канал 5 телевизија ја поздрави одлуката и на премиерот Заев и на претседателот на ВМРО-ДПМНЕ Мицкоски за конечно соочување на ставовите на лидерите на двете најголеми политички партии во нашата земја.  Веќе испрати покани за учество во најгледаната и најрелевантнта дебатна политичка емисија, Само Вистина.

Сметаме дека емисијата Само вистина на канал5 телевизија ќе биде најсоодветното место и простор за артикулирање на вашите ставови во интерес - само на вистината- . Затоа,  со надеж дека  ќе добие позитивни одговори го предлагаме  следново...

ТВ дуелот да трае помеѓу 2 и 3 часа, во договор со двајцата лидери.

Сценскиот концепт ќе биде ист како за редовното издание на „Само вистина“.

Пауза на секои 45 или 60 минути во зависност од договореното време

Теми домашна политика, надворешна политика, економија и социјала.

Покрај прашањата подготвени од тимот  на Канал 5 ТВ двајцата лидери имаат можност да предложат по едно прашање за секоја од трите теми.

Сметаме дека горепосочениот формат ќе обезбеди вистинска слика за граѓаните на Македонија кои  мора да ја дознаат „Само Вистината“. Стои во поканата што ја упати Канал 5 телевизија до Заев и до Мицкоски.

Инаку последното телевизиско шоу меѓу двајца лидери  се случи во далечната 1998 година и тоа меѓу Црвенковски и Георгиевски а македонските граѓани уште го паметат по сочните обвинувања што соговорниците си ги упатија еден на друг. 

Во изминатите години и покрај барањата и на Црвенковски и на Заев, поранешниот премиер Груевски не прифати телевизиско соочување во четири очи.

Заев и Мицкоски ќе се соочата во четири очи. Премиерот ја прифати фрлената ракавица на опозицискиот лидер Мицкоски и ќе ги гледаме на тв дебата. Канал 5 ги кани на гости.

,,Летав 30 метри” – фудбалер неповреден во падот од надвозникот кај Џенова

Поранешниот голман на Каљари Давиде Капело , раскажува како го преживеал падот од надвозникот . За сега во несреќата загинаа најмалку 35 лица.

Најголем број од загинатите се најдени во нивните автомобили . Спасувачите се уште наоѓаат тела , а од автомобил извлекле и четворица преживеани . Целата област околу надвозникот на автопатот А10  е евакуирана , зашто се стравува дека од силното невреме може да падне уште некој надвозник.

Поранешниот голман на Каљари раскажува како останал живе и без ниедна гребнатина , кога возејќи , се урнал надвозникот.

Капело раскажува дека паднал од 30 метри височина и автомобилот застанал врз урнатините. Нема ниту една гребнатинка и вели дека само чудо го спасило.

Во моментот на несреќата на надвозникот имало 30 до 35 автомобили и три камиони . Акцијата за спасување на луѓето од смачканите возила продолжува.

Десет жени загинаа во пожар во дом за стари лица

Во пожар , во кој целосно изгоре дом за стари лица во Чиле , загинаа најмалку десет жени.

Најмалку десет жртви однесе пожарот во дом за стари лица во градот Санта Марта на југот на Чиле. Пожарот избил рано утрината во домот за стари на 520 километри јужно од главниот град Сантјаго.

Само три жени се спасиле од огнот, во двете соби каде избил пожарот . Во времето на несреќата , во домот имало 42 стари лица. Не се познати причините за избувнување на пожарот.

Во домот била најдена печка на дрва , од каде се претпоставува дека се проширил огнот , иако сведоците тврдат дека имало експлозија што би значело дека имало струен удар .

Почнува постапката за избор на универзален снабдувач со електрична енергија

Владата ја почнува постапката за избор на универзален снабдувач со електрична енергија. Одлуката е донесена на денешната владина седница, а надлежните министерства се задолжени да номинираат членови во Комисијата за спроведување на постапката.

Канцеларијата на претседателот на Владата, Кабинетот на вицепремиерот за економски прашања и Министерството за економија треба да предложат по еден член и заменик-член во Комисијата за спроведување на постапката за избор на универзален снабдувач, а во рок од три дена по еден член и негов заменик треба да номминираат и Регулаторната комисија за енергетика и МАНУ.  

Комисијата е должна во рок од 14 дена до Владата да го достави јавниот повик и тендерската документација.

- Заради остварувањето на правото на сите домаќинства и мали потрошувачи да се снабдуваат со електрична енергија со утврден квалитет по разумни, јасно споредливи, транспарентни и недискриминаторни цени, Владата на Република Македонија избира универзален снабдувач кој истовремено ќе ја врши и дејноста снабдување во краен случај. Целта на оваа постапка е остварувањето на правото на домаќинствата и малите потрошувачи на универзална услуга во снабдувањето со електрична енергија, односно да бидат снабдувани од универзалниот снабдувач во согласност со обврските утврдени со Законот за енергетика и правилата за снабдување, појаснуваат од Владата.

Универзалниот снабдувач ќе биде задолжен да ги снабдува по гарантирана цена потрошувачите што нема да излезат на слободниот пазар.

притисни ентер