Македонија

Отворен нов објект за згрижување на деца во Куманово

 Шеесетина деца од предучилишна возраст од Куманово ќе бидат згрижени во новиот објект „Детелинка“ на детската градинка „Ангел Шајче“, што денеска свечено беше пуштен во употреба.

Објектот се наоѓа во поранешниот „Пионерски дом“ Куманово и е од цврста градба со површина од 347,47 метри кавдратни, а Министерството за труд и социјална политика за негова реконструкција одвои околу пет милиони денари. Министерката за труд и социјална полтитика Мила Царовска на денешното отварање посочи дека ова е ивестиција во иднината, во најмалдите, им се обезбедува подобар старт на децата во образованието и понатамошен развој на државата. Таа нагласи дека целта на Владата е да се зголеми за 50 проценти опфатот на децата во предучилишно образование, посочувајќи дека постојано се вложува во објекти.

- Од 2019 година заедно со Светската банка и Владата стартуваме програма за унапредување на квалитетот на предучилшното образование, бидејќи тоа треба да е прилагодено на новите општествени текови кои се случуваат и да ги подготвиме децата пред да тргнат на училиште да имаат основни знаења и предзнања не само формални како букви и бројки туку за нивното современо живеење и вложување во општеството понатаму, рече министерската Царовска.

Директорката на градинката, Марина Алексовска, посочи дека оваа градинка ќе има и јаслени групи, по барање од родителите.

- Уште еден прекрасен настан за јавната општинска установа за деца детска градинка „Ангел Шајче“ од Куманово. Тоа е денешното пуштење во работа на овој простор за најмладите од нашиот град. Простор во кој ќе се згрижуваат, воспитуваат и едуцираат децата од предучилишна возраст. Ова е осмиот објект на градинката која постојано расте, се проширува и осовременува“-рече Алексовска.

Градоначалникот на Куманово, Максим Димитриевски, пак, истакна дека градинката е исклучително значајна за децата од градот.

- Се заблагодарувам на сите оние кои дадоа допринос овој проект да се трансформира во една успешна приказна и воедно сакам да ја истакнам нашата желба и заложба за создавање на дополнителни добри дела за кои се надевам дека ќе наидеме на поддршка од централната власт, од Владата и ресорното министерство, изјави Димитриевски.

Новата градинка располага со влезен хол, ходник, три занимални, кујна, санитарна просторија за деца, санитарна просторија за деца и возрасни, перална и други пропратни простории.

За реконструкција, Министерството за труд и социјална политика во рамките на својот буџет издвои 3.789 милиони денари за изведување на градежно-занаетчиски работи и 1,5 милиони денари за опремување на просторот. Просторот има пристапна рампа и е во непосредна близина на посточекиот објект „Кокиче“.

Македонија

Нема одговор од МЗ дали е сменет директорот Петровски од Клиниката за токсикологија

Медицинскиот директор на Клиниката за токсикологија Данил Петровски се уште го нема добиено отказот од Министерството за здравство. 

Од министерството не дадоа одговор дали Петровски ќе биде променет од прв човек на токсикологија, бидејќи не потпишал 18 лица со договор на дело што истекол на 31.12 да продолжат да работат. Економската директорка засега нема да биде променета иако од министерството не одговорија: Економската директорка направила долг во клиниката и дали имало проблем во работењето на кадар кој не бил вработен а учестувал во медицинската дејност?

Во текот на вчерашниот ден, Министерството за здравство побара да се спроведе вонреден инспекциски надзор во Универзитетската клиника за токсикологија - Скопје во врска со статусот на 18 ангажирани лица кои добија согласност од Министерството за финансии, со цел да се утврди фактичката состојба. За оваа постапка нема прекршување на законски надлежности и по добиениот извештај од надлежните инспекторати ќе се постапи согласно законските прописи.

Од друга страна Канал 5 доби документ од Министерството за финансии каде се вели дека во време на распишување на избори не може да се вработуваат лица. Медицинскиот директор вели дека на токсилогија и се потребни биолози, кадарот за кој се бара продолжување и кадар кој би работел во ургентен центар, но засега нема ниту најава за негово функционирање а не за вработување.

Канал 5 доби и информација од ДСЗИ каде посочуваат дека за време на побараниот надзор во клиниката биле затекнати лицата кои не им биле продолжени договорите и издале решение дека за пет дена тие не смеат да се појават на работа на токсикологија.

Македонија

Стопанствениците се жалат на одлуката на владата утре да биде неработен ден

Одлуката утрешниот ден и 8 мај да бидат неработни денови за сите граѓани, негативно ќе се одрази на бизнисот.

Фирмите ќе претрпат загуби, неефикасна станува целата недела по вакавата одлука, реагираат од бизнис заедницата. Од Сојузот на стопанските комори велат, одлуката на Владата, за која никој не ги консултирал, ќе ја почитуваат, но со неа не се согласуваат.

„Знаете кога ќе прогласите неработен ден во среда од прилика негативноста ја има цела недела така да и понеделникот и вторник се реалтивно не ефикасни и четвртокот и петокот, така да навистан една многу непријатна ситуација...Со нас конкретно никој нема разговарано на оваа тема.... “- Трајан Ангеловски – претседател на ССК

Од пазарен најавуваат инспекциски контроли во текот на утрешниот ден. Оттаму со препорака сите да ја почитуваат владината одлука. Велат исклучок се само оние работодавачи чии работни процеси поради активностите кои ги извршуваат не можат да прекинат со работа.

„24 април 2024 година (среда) и 8 мај 2024 година (среда) се неработни денови за сите граѓани. Работодавачите во наведените денови не треба да извршуваат дејност со исклучок на оние работодавачи каде работните процесите заради својата природа не можат да се прекинат.За наведените денови ДПИ ќе воведе дежурства и преку државните пазарни инспектори ќе контролира дали Заклучокот на Техничката Влада се почитува. “ - Државен пазарен инспекторат

За да бидат неработни 24 април и 8 мај прво имаше препорака, но по реакциите во јавбниоста и од бизнис секторот, владата донесе заклучок изборните денови да бидат неработни, со цел непречено одвивање на гласањето.

Македонија

МВР со оперативен план ќе се грижи утрешниот изборниот ден да помине во мирна атмосфера

Од МВР претходно најавија дека ќе има засилено полициско обезбедување во Тетово и Гостивар.

На утрешниот прв круг од претседателските избори ќе може да гласаат и граѓаните кои немаат валидни документи со „Северна “ или по рок на важност им истекле личната карта или пасошот во периодот од 9 месеци до денот на одржувањето на изборите, односно по 24 јули 2023 година. Истото ќе важи и за изборите на 8-ми мај, согласно измените на Изборниот законик од 7-ми март.

Воедно, граѓаните и утре ќе можат да ги подигнат нивните веќе изготовени лични документи.. Од МВР посочуваат и дека скопјани ќе можат личните карти да ги подигнат и во полициските станици.

„ Одделенијата за управни работи работат се со цел граѓаните кои не ги подигнале личните карти да можат тоа да го направат и утре за да го остварат своето право на глас, се разбира граѓаните ќе можат да одат од 8-19 часот да одат во одделенијата за управни работи во градовит екаде што живеат,а за Скопје знаеме дека личните карти се подигнуваат од надлежните полициски станици. “-Тони Ангеловски – Портпарол на МВР

Од полицијата велат дека сите сектори за внатрешни работи се целосно подготвени за гласањето да помине во најдобар ред. Информираат дека како и за претходните избори така и за овие формиран е посебен оперативен штаб кој е насочен кон реализацијата на изборниот процес.

„ Досега нема никакви ниту индиции ниту најави за било какви проблеми, се надеваме ние ќе направиме се процесот да помине најдобро што може, полицијата е подтовена за граѓаните да можат слободно да ја изразат својата волја. “-Тони Ангеловски – Портпарол на МВР

Од МВР претходно најавија дека ќе има засилено полициско обезбедување во Тетово и Гостивар.

притисни ентер