Отворен нов објект за згрижување на деца во Куманово

 Шеесетина деца од предучилишна возраст од Куманово ќе бидат згрижени во новиот објект „Детелинка“ на детската градинка „Ангел Шајче“, што денеска свечено беше пуштен во употреба.

Објектот се наоѓа во поранешниот „Пионерски дом“ Куманово и е од цврста градба со површина од 347,47 метри кавдратни, а Министерството за труд и социјална политика за негова реконструкција одвои околу пет милиони денари. Министерката за труд и социјална полтитика Мила Царовска на денешното отварање посочи дека ова е ивестиција во иднината, во најмалдите, им се обезбедува подобар старт на децата во образованието и понатамошен развој на државата. Таа нагласи дека целта на Владата е да се зголеми за 50 проценти опфатот на децата во предучилишно образование, посочувајќи дека постојано се вложува во објекти.

- Од 2019 година заедно со Светската банка и Владата стартуваме програма за унапредување на квалитетот на предучилшното образование, бидејќи тоа треба да е прилагодено на новите општествени текови кои се случуваат и да ги подготвиме децата пред да тргнат на училиште да имаат основни знаења и предзнања не само формални како букви и бројки туку за нивното современо живеење и вложување во општеството понатаму, рече министерската Царовска.

Директорката на градинката, Марина Алексовска, посочи дека оваа градинка ќе има и јаслени групи, по барање од родителите.

- Уште еден прекрасен настан за јавната општинска установа за деца детска градинка „Ангел Шајче“ од Куманово. Тоа е денешното пуштење во работа на овој простор за најмладите од нашиот град. Простор во кој ќе се згрижуваат, воспитуваат и едуцираат децата од предучилишна возраст. Ова е осмиот објект на градинката која постојано расте, се проширува и осовременува“-рече Алексовска.

Градоначалникот на Куманово, Максим Димитриевски, пак, истакна дека градинката е исклучително значајна за децата  од градот.

- Се заблагодарувам на сите оние кои дадоа допринос овој проект да се трансформира во една успешна приказна и воедно сакам да ја истакнам нашата желба и заложба за создавање на дополнителни добри дела за кои се надевам дека ќе наидеме на поддршка од централната власт, од Владата и ресорното министерство, изјави Димитриевски.

Новата градинка располага со влезен хол, ходник, три занимални, кујна, санитарна просторија за деца,  санитарна просторија за деца и возрасни, перална и други пропратни простории.        

За реконструкција, Министерството за труд и социјална политика во рамките на својот буџет издвои 3.789 милиони денари за изведување на градежно-занаетчиски работи и 1,5 милиони денари за опремување на просторот. Просторот има пристапна рампа и е во непосредна близина на посточекиот објект „Кокиче“.

Мексико ги отвори границите за жените и децата – мигранти (ВИДЕО)

Илјадници мигранти од Хондурас и Гватемала се заглавени на јужната Мексиканска граница , каде полицијата ги спречуваше да влезат со солзавец.

Мексиканскиот амбасадор во Гватемала , Луис Мануел Лопез изјави дека мигрантите, жени и деца ,  биле регистрирани и ќе бидат пренесени во прифатни центри во централниот дел на земјата , во Тапачули.

Претседателот на САД , Доналд Трамп им се закани на мексиканските власти дека ќеја затвори границата , доколку земјата не се справи со илјадниците учесници во мигрантскиот марш од неколку земји од Јужна Америка.

Некои од мигрантите, со часови заглавени на мост меѓу Гватемала и Мексико скокаа , од мостот висок неколку десетици емтри во реката , за да допливаат во Мексико.

Таму се надеваат да добијат статус азил , по што можат да се пријават за бегалски статус во САД.

На протестот во Лондон против Брегзит 700 илјади, на контрапротестот 1200 (ВИДЕО)

Организаторите на протестот против излегувањето на Британија од ЕУ , соопштија дека во Лондон се собрале 700 000 демонстранти. На контрапротестот во Јоркшир , каде протестираа еуроскептиците , имаше 1 200 лица.

Маршот под иницијатива People's Vote го предводеа млади луѓе , кои немале можност да гласаат во 2016 , кога Британија на референдум се изјасни дека сака да излезе од Европската Унија. Пратениците од поголемите партии го подрржаа барањето на Британците за нов референдум , кој веќе е отфрлен од премиерката Тереза Меј.

Маршот се одржа во исто време со демонстрациите во Јоркшир , каде се изрази поддршка на излезот на Британија од ЕУ . Собиропт се одржа од иницијативата Leave means leave, која сака што побргу земјата да излезе од унијата.

На референдумит , 51, 8 проценти од Британците сакаа да излезат од ЕУ . Денеска овој процент е во корист на оние кои сакаат да останат. За излез од ЕУ и реферндумскиот резултат пресудни беа гласовите на Англија и на Велс. Т

огаш Шкотска со 62 проценти беше против излезот на земјата од Унијата , како и Северна Ирска , каде 55,8 проценти беа против Брегзитот.

Младите Британци денеска побараа нов реферндум , свесни дека ќе немаат можност за градење кариера , доколку Британија се одвои од ЕУ.

Поради сообраќајка затворен патот Крива Паланка – граничен премин Деве Баир

Магистралниот пат Крива Паланка – граничен премин Деве Баир е затворен за сообраќај поради сообраќајна несреќа меѓу две возила која се случила во местото викано Самоков, информираат од полицијата.

Од полицијата информираат дека досега нема пријавено повредени лица во сообраќајната несреќа.

Во тек е увид на сообраќајната полиција. Сообраќајот е затворен од 19.45 часот. 

притисни ентер