Матурска парада 2018 - најубавата претстава под отворено небо

Годинешната матурска парада ќе се одржи на 18 мај, точно напладне, во Скопје на плоштадот Македонија, посочи Елизабета Кузмановска од Дирекцијата за култура и уметност. 

Таа наведе дека покрај во Скопје, матурската парада ќе се одржи и во Струга, Охрид, Струмица, Гевгелија и Куманово.

- Оваа година покрај Македонија во проектот ќе учествуваат матуранти од 62 градови во Босна и Херцеговина, Бугарија, Словачка, Словенија, Србија, Турција, Унгарија, Хрватска и Црна Гора, изјави Никола Глигоров од Дирекцијата за култура и уметност.

Тој нагласи дека оваа година се очекува на настанот да учествуваат над 30 илјади матуранти. 

Тој изјави дека организатор и носител на заштитната маска на Република Македонија е Дирекцијата за култура и уметност на Скопје, која манифестацијата ја организира во соработка со Танцовиот спортски клуб Ритам плус. 

Даниела Адамова раководител на Секторот за образование на Град Скопје посочи дека настанот почнал да се одбележува како празник кога се слави матурирањето, односно празникот на младоста. 

Таа најави дека покрај овој настан наскоро ќе се одржи и „средбата меѓу првиот и најдобрите“, каде градоначалникот на Скопје, Петре Шилегов,  ќе оствари средби со најдобрите ученици и ќе им додели признанија. 

- Во името на Град Скопје им го честитам матурирањето на генерацијата 2017/2018.

Тодор Миладинов од Ритам плус посочи дека танцовиот клуб ги обучувал матурантите за време на часовите по физичко во нивните средни училишта. 

- Очекуваме околу 1.100 матуранти да учествуваат на матурската парада, истакаа Миладинов. 

Од Дирекцијата наведоа дека ќе се каже „клетвата за ненасилство“ од страна на учесниците во сите градови во земјите во кои се одржува матурската парада. 

- На тој начин не само што во исто време, на иста  музика, во различни градови, младите танцуваат, туку тие, генерациите кои ќе го градат светот во иднина, во исто време од различни делови на Европа ја испраќаат пораката за ненасилство и толеранција, соопштија од Дирекцијата. 

Вајнстин ослободен со кауцијa од еден милион долари

Холивудскиот могул Харви Вајнстин ќе може да се брабни од слобода , откако плати еден милион долари кауција.

Тој е обвинет за сексуален напад на над 70 жени , додека работел како еден од најголемите продуценти во Холивуд. Осомничениот утрово самиот се предаде во шполиоцијата во Њујорк , по што беше однесен пред судија. 66- годишниот поранешен продуцент  е обвинет за силување и за сексуален напад.

Вајнстин не зборувал во судницата , каде обвинителот Џоан Илуци рече дека поранешниот могул ја искористил својата положба , пари и моќ да ги стави младите жени во состојба во која можел сексуално да ги злоупотреби.

Неговиот адвокат тврди дека продуцентото не е виновен и оти нема докази за сторено кривично дело.

На поранешната сопруга и пратил илјадници СМС пораки и завршил во затвор

Маж доби шестмесечна условна казна затвор , зашто на поранешната сопруга за шест недели и пратил 7648 пораки на мобилен.

Судот во австрискиот град Клагенфурт го осуди триесет годишниот маж, по потекло од Романија,  поради следење и заканувачки текстови што и ги праќал во пораките. На почетокот на годинава брачниот пар се развел по шест години во брак.

Поранешната сопруга во судницата рекла дека не сметала дека мажот би ја нападнал и покрај тоа што педесетина од пораките биле заканувачки. На прашањето на судијата како успевал и да оди на работа и да пишува толку многу пораки , тој одговорил дека по 190 пишувал ноќе.

По судското рочиште мажот ветил дека веќе нема да ја малтретира поранешната сопруга и дека ќе плаќа алименатација за заедничкиот син.

,,Ме дрогираа и ме натераа да абортирам”- Италија успеа да ја врати Фарах

Млада студентка по потекло од Пакистан вчера се врати во Италија , откако била малтретирана од нејзиното семејство .

19 – годишната студентка Фарах , која студирала во Верона и била бремена од нејзиниот дечко , Италијанец , преживеала кошмар кај нејзиното семејство . Цела Италија организирала акција на социјалните мрежи за да ја врати Фарах назад , откако семејството ја намамило да оди во Пакистан. Девојката поверувала на поканата на нејзинотот семејство да дојде на свадба на брат и во Исламабад.

Но , наместо на свадба , за заклуличе во соба , ја дрогирале и ја натерале да абортира. Фарах успеала да им прати порака на пријателите во Италија што и се случува кај нејзиното семејство во пакистан . И тогаш почнува акцијата . Без оглед што не е Италијанска државјанка , Италијанската амбасада во Исламабад , заедно со пакистанската полиција ја згрижиле девојката , и обезбедиле пасош и вчера ја вратиле во Италија.

Веста за враќањето на Фарах и дека е на безбедно во Италија на Твитер ја објави министерот за надворешни работи , Анџелино Алфано . Во акцијата за спасување на Фарах учествувала дури и ултрадесничаркската политичарка  Џорџиа Мелони , позната по екстремистичките ставови против мигрантите, која побарала на девојката да и се даде државјанство на Италија.

Случајот на Фарах привлече огромно внимание во Италија , поради тоа што петходно млада Италијанка со пакистанско потекло била задушена , поради тоа што не сакала да стапи во договорен брак .

притисни ентер