Нова градинка во Куманово за поголем опфат на децата

Над 1900 деца се згрижени во кумановската градинка „Ангел Шајче“.

Уписите започнаа, родителите брзаат да ги запишат децата во еден од седумтте објекти во јавната општинска установа. Последниве десетина години, Советот на општина Куманово, континуирано носи одлуки со кои и се дозволува на градинката да  запише поголем број деца во однос на расположливиот капацитет. Родителите кои сакаат нивните деца да бидат згрижени во установата од 1 септември, ќе мора да ги достават барањата до 10 јуни годинава. Комисија ќе ги разгледува пријавите, вклучително и оние кои досега биле одбиени. На последната седница, советниците едногласно подржаа одлука да отпочне со работа реконструираниот објект „Детелинка“.

- Околу 700 деца чекаат за прием во градинката. Очекуваме голем број нови пријави, сите нема да можат да бидат згрижени во установата. Што се однесува до новиот објект, децата веќе се примени, изјави директорката на градинката, Марина Алексовска.

Борбата на установата за отварање нови објекти и проширување на капацитетите на постоечките трае со години наназад. Куманово е еден од ретките градови со природен прираст и имаше потреба од изградба на нови и реконструирани објекти за згрижување на децата. Во изминативе две години беа отворени и два центри за ран детски развој, едниот лоциран во основното училиште „11 Октомври“, вториот во населбата „Иго Тричковиќ“, кои опфаќаат деца од три до шест годишна возраст.

Родителите инсистираа, но и локалните институции, што беше клучно пред неколку години централната власт да донесе одлука да се реконструира постоечки објект поранешниот „Пионерски дом“ и да се адпатира во нов објект „Детелинка“ кој според надлежните од Министерството за труд и социјална политика ќе има капцитет за прием на 70-тина деца.

Објектот е веќе реконструиран и децата ќе можат наскоро да бидат згрижени. Од МТСП информираа дека објектот ќе биде наменет за деца од  девет месеци од шестгодишна возраст односно до вклучување во основно образование, согласно  Законот за заштита на децата.  Поранешниот „Пионерски дом“ се наоѓа на улицата „Кирил и Методиј“ зафаќа нето корисна површина од 347,47 м2 и е од цврста градба. Располага со влезен хол, ходник, три занимални, кујна, санитарна просторија за деца, санитарна просторија за деца и возрасни, перална и други пропратни простории.        

- За реконструкција, Министерството за труд и социјална политика во рамките на својот буџет издвои 3.789, милиони денари за изведување на градежно-занаетчиски работи и 1,5 милиони денари за опремување на просторот. Средствата за вршење на дејноста на објектот „Детелинка“, Oпштина Куманово ќе ги обезбедуваат преку  Jавната општинска установа за деца - Детска градинка „Ангел Шајче“ Куманово - Oпштина Куманово,  односно од Буџетот на Република Македонија преку блок дотации, од надоместокот на корисниците на услугата, донации и други извори на финансирање согласно закон, соопштија од МТСП.

Бројката од 70 деца не е голема, но е за поздравување сметаат одговорните од градинката и ќе придонесе да се зголеми опфатот на деца во предучилишна установа, со што ќе им се даде еднаква можност за напредок во понатамошното образование на сите деца, но и ќе се зголемат можностите и потенцијалот за развој на државата. Ова го најави и министерката за труд и социјална политика, Мила Царовска на прославата на 60 годишниот јубилеј на кумановската градинка.

- Сакам да ја потенцирам заложбата на Владата за развој и детска заштита за отварање детски градинки во рурални средини, како што беше примерот во Старо Нагоричане, рече министерката Царовска.

Градинката во Старо Нагоричане беше пуштена во употреба пред два месеци и е прва установа за згрижување деца во оваа рурална општина. Во наредниот период планирано е да се зголеми опфатот на деца за 50 проценти во однос на сегашниот, што е заложба во однос на детската заштита.

Надлежните сметаат дека значајно е инвестирањето во развојот на децата, неговото постојано унапредување и надградување, бидејќи со тоа се овозможува и развој на децата кои се идни градители на развојот на државата.

Општина Куманово,  и покрај тоа што наскоро ќе добие реконструиран објект аплицираше за изградба на нова градинка која ќе се наоѓа на улицата „Бајрам Шабани“. Градинката е планирана да   биде мултиетничка, што не е новина за градот и ќе овозможи поголем опфат на децата од Куманово. Во кумановската градинка уште од 90-тите години, наваму, со години функциионираат билингвални групи на македонски-албански и на македонско-српски јазик. Кумановската градинка е меѓу првите во кои се спроведува и проектот „Инклузија на Роми во предучилишна установа“, со кој се овозможува поголем опфат на децата од оваа етничка заедница.

Отварањето на нови градинки во Куманово е клучно со оглед на фактот што е општина во која на годишно ниво се раѓаат околу 1500 новороденчиња, а тука се движи и бројот на запишани првоодделенци околу 1650.

Градинките се корен на воспитно-образовниот процес, место во кое најмладите се стекнуваат со знаења, умеења вештини. Грижата за децата е одговорен ангажман затоа е потребно и да се отворат нови градинки каде ќе бидат сместени децата кои ќе се едуцираат и полесно ќе  вклопат во основното образование. Предучилишното воспитување и образование ги воспоставуваат вредностите што понатаму во животот на децата ќе бидат стожери на нивниот индивидуален развој и напредок. /МИА

Романската премиерка ја претстави програмата за претседавање со ЕУ

Романската премиерка Виорика Данчила денеска во Европскиот парламент ги претстави приоритетите на Романија во претседавањето со ЕУ.

На излагањето на премиерката Данчила возвратија европарламентарците со критики кон Романија , особено во делот на правосудството.

Букурешт го презема водството со Унијата во многу важен период , кога се случува Брегзит , се носи нов буџет, избори во Европскиот Парламент , како и самит во романскиот град Сибио , каде сите земји членки на ЕУ ќе треба да ги дефинираат идните насоки на Унијата.

,,Првата етапа ќе биде интензивна и затоа сметам на вашата помош за да се усвојат што повеќе мерки и да се одговори на рпедизвиците.” , рече Данчила во обраќањето.

„Само Вистина“ - интервју со Стојан Андов

Вечерва гостин во „Само вистина“ беше Стојан Андов.

Во прва фаза Претседателот може да го врати законот, во втора е должен да каже што да се промени и со просто мнозинство да се усвои промената а потоа и да го потпише. Законодавната власт е над Претседателот. Противуставен потег прави Иванов, а не Џафери.

Ако не се обезбеди цензусот. Може изборот за Претседател на државата да сепренесе во Собранието.

Во книгата „На мој начин“ има докази кои што упатуваат на моите тврдења, за независноста, Лисабонскиот договр, за смртните закани по животот на Глигоров, за грчкото ембарго...

Повеќе детали погледнете во најновото издание на „Само вистина"

Курц : Жал ми е,ама ќе нема нови преговори за Брегзит

Австрискиот канцелар Себастијан Курц, веднаш по неизгласувањето на договорот за Брегзит во британскиот Парламент се огласи на Твитер.

Канцеларот Себастијан Курц на Твитер порача дека ќе нема нови преговори на Европската Унија со Британија за постигнување нов договор.

,,Жал ми е поради исходот на гласањето за Брегзит во британскиот долен дом на Парламентот. Во секој случај , ќе нема нови преговори за нов договор за повлекување.” , напиша Курц на Твитер.

притисни ентер