Македонистички денови во МАНУ

Меѓународна научна манифестација „Македонистички денови во МАНУ“ ќе се одржи денеска и утре во Скопје, во организација на Истражувачкиот центар за ареална лингвистика (ИЦАЛ) и Македонската академија на науките и уметностите.

Манифестацијата има за цел да придонесе во научната обработка, системското проучување и меѓународната афирмација на македонскиот јазик со што ќе се обезбеди споредливост на резултатите и нивна апликација на пошироко меѓународно ниво.

На отворањето на манифестацијата, како што е најавено, ќе се обрати претседателот на МАНУ Таки Фити.

Во рамки на манифестацијата, како што информираат организаторите, ќе биде презентиран и новиот интернет портал Дигитални ресурси на македонскиот јазик, кој содржи над 50 дигитализирани стари книги, граматики на македонскиот јазик, монографии, споредбени студии, база на ресурси за македонски електронски корпус, како и преку 4.000 страници дигитализиран дијалектен материјал од целата јазична територија на Македонија.

Првиот ден ќе се одржи меѓународна панел-дискусија посветена на придонесот акад. Б. Видоески во развојот на македонската лингвистика и славистика, на која ќе зборуваат неколку научници од земјата и странство, меѓу кои акад. Зузана Тополињска, проф. Кристина Крамер од Канада и проф. Слободан Реметиќ од Србија.

Во текот на вториот ден ќе се одржи Меѓународната научна конференција „Динамиката на македонскиот јазик“, посветена на анализата на динамичниот карактер на македонскиот јазик и неговата специфична структура.

На конференцијата ќе учествуваат светски познати македонисти, како што се проф. Татјана Вендина од Руската академија на науки, претседател на Меѓународната комисија на Општословенскиот лингвистички атлас, проф. Јан Соколовски од Полска, надворешен член на МАНУ и основач на Македонистичката работилница на Универзитетот во Вроцлав, проф. Ирена Савицка од Институтот за славистика при Полската академија на науките и проф. Мотоки Номачи од Универзитетот во Хокаидо, Јапонија.

Професорот Номачи на оваа меѓународна конференција првпат ќе го претстави ракописот на необјавената „Граматика на македонскиот јазик“ од акад. Самуил Б. Бернштејн, која е напишана во 1947 година и која повеќе од 70 години се сметаше за загубена. /МИА

Романската премиерка ја претстави програмата за претседавање со ЕУ

Романската премиерка Виорика Данчила денеска во Европскиот парламент ги претстави приоритетите на Романија во претседавањето со ЕУ.

На излагањето на премиерката Данчила возвратија европарламентарците со критики кон Романија , особено во делот на правосудството.

Букурешт го презема водството со Унијата во многу важен период , кога се случува Брегзит , се носи нов буџет, избори во Европскиот Парламент , како и самит во романскиот град Сибио , каде сите земји членки на ЕУ ќе треба да ги дефинираат идните насоки на Унијата.

,,Првата етапа ќе биде интензивна и затоа сметам на вашата помош за да се усвојат што повеќе мерки и да се одговори на рпедизвиците.” , рече Данчила во обраќањето.

„Само Вистина“ - интервју со Стојан Андов

Вечерва гостин во „Само вистина“ беше Стојан Андов.

Во прва фаза Претседателот може да го врати законот, во втора е должен да каже што да се промени и со просто мнозинство да се усвои промената а потоа и да го потпише. Законодавната власт е над Претседателот. Противуставен потег прави Иванов, а не Џафери.

Ако не се обезбеди цензусот. Може изборот за Претседател на државата да сепренесе во Собранието.

Во книгата „На мој начин“ има докази кои што упатуваат на моите тврдења, за независноста, Лисабонскиот договр, за смртните закани по животот на Глигоров, за грчкото ембарго...

Повеќе детали погледнете во најновото издание на „Само вистина"

Курц : Жал ми е,ама ќе нема нови преговори за Брегзит

Австрискиот канцелар Себастијан Курц, веднаш по неизгласувањето на договорот за Брегзит во британскиот Парламент се огласи на Твитер.

Канцеларот Себастијан Курц на Твитер порача дека ќе нема нови преговори на Европската Унија со Британија за постигнување нов договор.

,,Жал ми е поради исходот на гласањето за Брегзит во британскиот долен дом на Парламентот. Во секој случај , ќе нема нови преговори за нов договор за повлекување.” , напиша Курц на Твитер.

притисни ентер