Концерт „Балетски бисери“ на Мајските оперски вечери

На Мајските оперски вечери од 20 часот ќе биде изведен балетскиот концерт „Балетски бисери“, кој ќе ги опфати најубавите балетски дела со учество на првенци од Балетот на МОБ,  балетскиот ансамбл и со гости од Србија, Хрватска, Босна и Херцегов

Концертот е по повод 70-годишнината од основањето на Балетот на МОБ, што ќе биде одбележано во следната сезона 2018/2019. Режисер е Дејан Прошев, диригент Дијан Чобанов од Бугарија.

Ќе бидат изведени делови од балетите „Рајмонда“, „Оревокршачка“, „Лебедово езеро“, „Заспаната убавица“, „Корсар“, „Клеопатра“, „Дон Кихот“, „Гајане“, „Кармен“, „Омер и Мерима“, „Дамата со камелии“, „Самсон и Далила“, „Спартак“, „Шехерезада“...

По повод основањето на Балетот на МОБ, вечер ќе биде отворена и изложба „Почетоци 1948-1980“ посветена на првите генерации балетски уметници во Македонија.

Македонскиот балетски ансамбл е формиран на 1 јули 1948 со решение на тогашниот директор на МНТ, Коле Чашуле, со декрет на Советот за просвета на Народна Република Македонија, како сценска активност во Операта. 

Со обука на првата генерација балетски уметници се одвива сценската активност која резултирала со прва балетска претстава - балетот во четири чина  „Бахчисарајска фонтана“, премиерно изведена на 30 декември 1949 година./МИА

,,Летав 30 метри” – фудбалер неповреден во падот од надвозникот кај Џенова

Поранешниот голман на Каљари Давиде Капело , раскажува како го преживеал падот од надвозникот . За сега во несреќата загинаа најмалку 35 лица.

Најголем број од загинатите се најдени во нивните автомобили . Спасувачите се уште наоѓаат тела , а од автомобил извлекле и четворица преживеани . Целата област околу надвозникот на автопатот А10  е евакуирана , зашто се стравува дека од силното невреме може да падне уште некој надвозник.

Поранешниот голман на Каљари раскажува како останал живе и без ниедна гребнатина , кога возејќи , се урнал надвозникот.

Капело раскажува дека паднал од 30 метри височина и автомобилот застанал врз урнатините. Нема ниту една гребнатинка и вели дека само чудо го спасило.

Во моментот на несреќата на надвозникот имало 30 до 35 автомобили и три камиони . Акцијата за спасување на луѓето од смачканите возила продолжува.

Десет жени загинаа во пожар во дом за стари лица

Во пожар , во кој целосно изгоре дом за стари лица во Чиле , загинаа најмалку десет жени.

Најмалку десет жртви однесе пожарот во дом за стари лица во градот Санта Марта на југот на Чиле. Пожарот избил рано утрината во домот за стари на 520 километри јужно од главниот град Сантјаго.

Само три жени се спасиле од огнот, во двете соби каде избил пожарот . Во времето на несреќата , во домот имало 42 стари лица. Не се познати причините за избувнување на пожарот.

Во домот била најдена печка на дрва , од каде се претпоставува дека се проширил огнот , иако сведоците тврдат дека имало експлозија што би значело дека имало струен удар .

Почнува постапката за избор на универзален снабдувач со електрична енергија

Владата ја почнува постапката за избор на универзален снабдувач со електрична енергија. Одлуката е донесена на денешната владина седница, а надлежните министерства се задолжени да номинираат членови во Комисијата за спроведување на постапката.

Канцеларијата на претседателот на Владата, Кабинетот на вицепремиерот за економски прашања и Министерството за економија треба да предложат по еден член и заменик-член во Комисијата за спроведување на постапката за избор на универзален снабдувач, а во рок од три дена по еден член и негов заменик треба да номминираат и Регулаторната комисија за енергетика и МАНУ.  

Комисијата е должна во рок од 14 дена до Владата да го достави јавниот повик и тендерската документација.

- Заради остварувањето на правото на сите домаќинства и мали потрошувачи да се снабдуваат со електрична енергија со утврден квалитет по разумни, јасно споредливи, транспарентни и недискриминаторни цени, Владата на Република Македонија избира универзален снабдувач кој истовремено ќе ја врши и дејноста снабдување во краен случај. Целта на оваа постапка е остварувањето на правото на домаќинствата и малите потрошувачи на универзална услуга во снабдувањето со електрична енергија, односно да бидат снабдувани од универзалниот снабдувач во согласност со обврските утврдени со Законот за енергетика и правилата за снабдување, појаснуваат од Владата.

Универзалниот снабдувач ќе биде задолжен да ги снабдува по гарантирана цена потрошувачите што нема да излезат на слободниот пазар.

притисни ентер