Присуството на македонскиот амабсадор на синоќешната прослава на израелското МНР, организирана по повод отворањето на американската амбасада во Ерусалим го отвори прашањето – дали официјално Скопје го менува ставот за преместувањето на амбасадата, со оглед дека во декември во ОН гласаше против.
Од македонското МНР, категорично демантираат:
-Неговото присуство е дел од вообичаените дипломатски активности, кои покрај почитта кон државата на приемот, се афирмираат и заложбите за дијалог и отвореност во соочувањето со комплексните прашања, вклучително и за оние за кои постојат различни и спротивставени ставови – велат од МНР, и додаваат дека официјални претставници на Македонија не присуствувале на денешната церемонија на отворањето на амбасадата.
Сепак, и покрај објаснувањето дека присуството на прославата е во рамките на вообичаената работа на амбадорот, јасно е дека Македонија испраќа дипломатски сигнали.. Особено ако се има во превдид фактот дека на прославата Израел поканил 86 претставници на држави, а се појавиле само 32. Од регионот, освен македонскиот, биле и албанскиот и српскиот амбасадор, а од земјите членки на ЕУ имало четворица – претставникот на Унгарија, на Австрија, на Чешка и на Романија.
Ова не зачудува со оглед дека Брисел жестоко се спротивстави на одлуката на Трамп за преместувањето на амабсадата од Тел Авив во Ерусалим. Против се изјасни и Генералното собрание на ОН, а тогаш со објаснување дека ја следи надворешната политика на ЕУ, против гласаше и Македонија.