Вилијамс со проблеми со новиот болид пред почетокот на сезоната во Ф1

Вилијамс призна дека нивниот нов болид има проблеми со стабилноста при влегувањето во свиоците.
Тоа е првиот Вилијамс, кој работи со погонска единица на Мерцедес (FW41), создаден од самиот почеток од техничкиот директор Педи Лоу, и бележи сериозна промена во концептот во споредба со претходните автомобили.

Лоу вели дека проблемите за кои се зборува треба да се отстранат по Барселона.

- Искрено, стабилноста на свиоците е многу распространет проблем, но работите се потешки за нас, вели техничкиот директор.

Тој додаде дека ако успеат да го направат ова, тие ќе можат да запишат подобри времиња во обиколките, бидејќи другите аспекти на автомобилот функционираат многу добро. Лоу, исто така, објасни дека проблемите не се должат само на еден фактор, и дека е нормално да ги имаат кога тимот ќе преземе нов пат на развој на болидот.

- Имаше многу големи промени како во развојниот тим, така и во самиот болид. Може и да одземе време за развој и усовршување во текот на сезоната, па дури и следната, смета тој.

Сепак, Педи Лоу покажа целосна доверба во способностите на неговиот тим./МИА 

СП 2018: Белгија убедливо ја совлада Панама

Белгија убедливо ја совлада Панама со 3:0 во првиот натпревар од групата Г на Светското првенство во Русија.

Белгиската репрезентација доминираше на теренот во текот на целиот натпревар и без поголеми проблеми дојде до победа.

Првиот гол во 47 минута го постигна Дрис Мертенс, а потоа Ромелу Лукаку прво во 68 минута зголеми на 2:0, а седум минути подоцна беше прецизен за конечни 3:0.

Во вториот натпревар од оваа група во Волгоград ќе се соочат Англија и Тунис. /МИА

СП 2018: Јеро: Имаме целосна доверба во Де Геа

Селекторот на шпанската репрезентација Фернандо Јеро изјави дека голманот Давид де Геа е смирен и сталожен по натпреварот со Португалија, во кој направи неколку грешки и прими три гола од португалскиот фудбалер Кристијано Роналдо.

Соседското дерби меѓу Шпанија и Португалија заврши со реми 3:3.

- Забележав дека Давид е смирен и сталожен. Во него сите имаме целосна доверба. Тимот имаше еден слободен ден и морам да кажам дека играчите се поопуштени, истакна Јеро.

Шпанија следниот натпревар го игра на 20 јуни против Иран. /МИА

СП 2018: Шведска со пенал ја совлада Јужна Кореја

Шведска со гол од пенал на натпреварот против Јужна Кореја стигна до минимална победа од 1:0 во групата Ф на Светското првенство во Русија.

Натпреварот во Нижи Новогород изобилуваше со прекршоци. Јужна Кореја покажа подобра игра во почетокот, контролирајќи го поседот на топката. Меѓутоа, најсериозната шанса во првиот дел ја имаше Шведска преку Маркус Берг, но голманот на Јужна Кореја Чо Хјун-Ву имаше уште одлична интервенција.

Швеѓаните во второто полувреме доминираа на терен. Во 61-та минута Ким Мин-Ву го фаулираше Виктор Клаесон, а судијата Агиљар по прегледување на снимката од ВАР системот досуди пенал за Шведска.

Капитенот Андреас Гранквист го реализираше пеналот за водство на Шведска од 1:0.

Во оваа група Шведска и Мексико водат со по три бода, а Германија и Јужна Кореја се без бодови. /МИА

притисни ентер