Шифрин стигна до втор Кристален глобус

Американската скијачка Михаела Шифрин ја одбрани титулата во Светскиот куп во алпско скијање, иако до крајот на сезоната остануваат уште пет трки.
Во Офтершванг на трката во велеслалом таа заврши како трета, што е доволно за да го обезбеди вториот Кристален глобус.
Со овој успех олимписката шампионка во велеслалом стана втората скијачка од САД  која повеќе пати триумфирала на Светскиот куп. Претходно Линзи Вон четири пати го освои Кристалниот глобус.

На Шифрин за да ја обезбеди новата титула доволен и беше пласман меѓу првите шест.

Швајцарката Венди Холденер беше единствена која имаше теоретски шанси да ја загрози Американката во генералниот пласман, но доколку победеше или го освоеше второто место.  Холденер заврши дури на 14. место во Офтершванг./МИА

СП 2018: Фудбалската федерација на Швајцарија не очекува казни за Џака и Шаќири

Фудбалската федерација на Швајцарија соопшти дека не очекува казни за репрезентативците Ѓердан Шаќири и Гранит Џака, откако ФИФА покрена истрага против нив.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а стрелци на головите за Швајцарија беа Џака и Шаќири.

Швајцарските фудбалери, кои имаат албанско потекло, на головите и на победата се радуваа гестикулирајќи орел како симбол на албанското знаме, а многумина особено од српската страна тоа го сфаќaат како политичка провокација.

- Не сум сигурен дали ФИФА воопшто ќе реагира и се ќе зависи од проценката на Дисциплинската комисија. Тоа не беше политичка порака, туки спонтана реакција на играчите, истакна функционерот на Фудбалската федерација на Швајцарија, Клаудио Сулсер.

Тој потврди дека на фудбалерите им било обрнато внимание во иднина да не го прават тоа.

И швајцарскиот министер за спорт, Ги Пармелин, застана во одбрана на Џака и Шаќири нагласувајќи дека „играчите биле емотивни“ и дека „не е во духот на спортот емоциите да се претвораат во полемика“.

ФИФА соопшти дека ќе отвори истрага и против Фудбалската федерација на Србија за проблемите со српските навивачи кои извикувале политички и навредливи пораки, но и против српскиот селектор, Младен Крстајиќ, за изјавите по натпреварот.

СП 2018: ФИФА покрена истрага против Џака и Шаќири, но и против српскиот селектор

ФИФА соопшти дека покренала истрага за швајцарските репрезентативци Ѓердан Шаќири и Гранит Џака, но и за српскиот селектор, Младен Крстајиќ.

Швајцарската репрезентација ја совлада Србија со 2:1 во натпревар од групата Е на Светското првенство во Русија, а стрелеци на голoвите за Швајцарија беа Џака и Шаќири.

Швајцарските фудбалери, кои имаат албанско потекло, на головите и на победата се радуваа гестикулирајќи орел како симбол на албанското знаме, а многумина особено од српската страна тоа го сфаќaат како политичка провокација.

ФИФА соопшти дека ќе отвори истрага и против Фудбалската федерација на Србија за проблемите со српските навивачи кои извикувале политички и навредливи пораки, но  и против српскиот селектор, Младен Крстајиќ, за изјавите по натпреварот.

Од ФИФА не наведуваат точно за кои изјави на Крстајиќ станува збор.

Пол позиција за Хамилтон во Франција

Тимот на Мерцедес доминираше на денешните квалификации за Големата награда на Франција, а британскиот возач Луис Хамилтон беше најбрз и стигна до 75-та пол позиција во неговата кариера.

Втор беше неговиот тимски колега Валтери Ботас, а на третата позиција заврши Себастијан Фетел од Ферари.

На четвртата и петтата позиција се двајцата возачи на Ред Бул, Макс Верстапен и Даниел Рикиардо.

Трката за Големата награда на Франција се вози утре на патеката „Пол Ришар“. /МИА

притисни ентер