ЗОИ 2018: Ветерот го одложи и женскиот слалом

По машкиот спуст и женскиот велеслалом, на Зимските олимписки игри во Пјонгчанг не се одржа според планираното ниту женскиот слалом.

Причина за тоа е силниот ветар. Почетокот на првата трка беше закажана за 10:15 часот по локално време, потоа беше преместен двапати за 15 минути. Сепак, помалку од половина час пред почетокот на трката, организаторите одлучија да го откажат натпреварувањето.

Организатор ги информира гледачите дека женскиот слалом е презакажан за 16 февруари и дека доколку не се во можност да присуствуваат во тој термин ќе им бидат вратени парите за купените билети.

Програмата за алпско скијање во Пјонгјанг требаше да започне во неделата со машкиот спуст, но силниот ветер оттогаш им прави големи проблеми на организаторите. Еден ден подоцна беше откажан женскиот велеслалом, а двете дисциплини бе апрезакажани за утре. За 15 февруари првично планирано да се вози  машкиот суперве-џи кој беше префрлен за в петок, кога ќе биде и женскиот слалом одложен утринава.

Секако услов з ада се одржат овие трки е намалување на брзината на ветерот која денеска во Пјонгчанг достигнуваше брзина од 70 км/час.
Досега на ЗОИ се одржа само една трка во алпско скијање - машка алпска комбинација во која триумфираше австрискиот Марсел Хиршер. 

Емери среќен што почнува ново поглавје со Арсенал

 Новиот тренер на Арсенал, Унаи Емери изрази задоволство од можноста да биде предводник на англискиот великан.

- Среќен сум што можам да го предводам еден од најдобрите клубови во светскиот фудбал. Арсенал е познат и сакан во целиот свет благодарение на стилот на игра, работа со млади играчи, фантастичен стадион и како функционира клубот. Многу ми е драго што ми ја дадоа одговорноста да започнам ново поглавје во животот на Арсенал. Се сретнав со лидерите на клубот, тие имаат огромни амбиции. Тие сакаат да успеат во иднина. Воодушевен сум од она што можеме да постигнеме заедно, и со нетрпение ја очекувам можноста да им дадам посебни моменти на оние кои го сакаат Арсенал.

 

🔴 The next chapter... #WelcomeUnai

A post shared by Arsenal Official (@arsenal) on

Емери дојде на менаџерската позиција на Арсенал наследувајќи го легендарниот Арсен Венгер. 

Зидан не би го менувал Роналдо за Салах

Тренерот на Реал Мадрид, Зинедин Зидан не би се откажал од Кристијано Роналдо на сметка на Мохамед Салах.

- Не би го менувал Кристијано, ниту кој и да е од моите играчи. Кристијано е најголем. Тој е најдобриот фудбалер кој ќе има огромно значење и во финалето. Ако се сумира, подобро е да го имаш Кристијано во тимот, бидејќи тој го докажува својот квалитет секоја година. Дури и кога не постигнува голови, тој знае дека потоа ќе може да реализира три или четири натпревари по ред. Знае како да го направи, да се справи со напнатоста и да се врати на врвот. Некои играчи не можат да се справат со тензијата. Меѓу другото и во тоа е поразличен Роналдо. Колку повеќе се зголемува притисокот врз него, колку повеќе го критикуваат, толку подобро игра, изјави Зидан.

Двајцата ќе бидат најголемите ѕвезди во финалето на Лигата на шампионите, а се очекува тие да бидат и најголемите конкуренти за „Златната топка“.

Салах и Роналдо имаат 44 гола за своите тимови во сите натпреварувања од почетокот на сезоната, но 33-годишниот Португалец има 15 погодоци во ЛШ оваа сезона, пет повеќе од Египќанецот. 

Милан непријатно изненаден од УЕФА

Поранешниот италијански и европски шампион Милан е изненаден од одлуката на УЕФА да не ја прифати понудата на клубот за договор околу правилата за финансиски ферплеј.

Одлуката на Европската фудбалската федерација беше објавена вчера и со неа на „росонерите“ им се одбива предлогот за договор и им се заканува забрана за настап во евро-куповите.

- Прилично непријатно сме изненадени, бидејќи очекувавме УЕФА да ни предложи договор. Откако беше воведен финансискиот ферплеј, таков договор им беше предложен на сите тимови, со исклучок на неколку помали руски клубот. Ние отидовме во УЕФА пред 15 дена и го претставивме нашиот план кој гарантираше решавање на проблемите кои се појавија поради промена на сопственикот на клубот, изјави Марко Фасоне, извршен директор на Милан.

Европската фудбалска федерација го одби планот за рефинансирање на долгот што го има Милан во висина од околу 380 милиони евра. 

притисни ентер