Мурињо: Њукасл се бореa како животни

Менаџерот на Манчестер Јунајтед, Жозе Мурињо, имаше само пофални зборови за Њукасл по поразот на „црвените ѓаволи“ од 1:0 на „Сент Џејмс Парк“. „Црно-белите“ забележаа успех по голот на Мет Ричи.

- Се бореа како животни, се надевам дека ќе ги прифатат моите зборови како комплимент. Боговите на фудбалот беа на нивна страна. Денес едноставно не ни одеше. Ние направивме грешка во одбраната, и тие веќе водеа во резултатот. Ги дадоа своите животи за да ја задржат својата мрежа „сува“, изјави Жозе Мурињо по натпреварот.

 
- Моето мислење е дека можевме да играме и 10 часа, и повторно немаше да им дадеме гол. Тие ја искористија нашата дефанзивна грешка. Очигледно, судбината не беше на наша страна. Што ни недостига? Да постигнеме гол. Имавме шанси при 0:0. Алексис Санчез излезе сам пред голот, а потоа имавме безброј можности во последните 20-25 минути. Двојното промашување на Марсиал во последните моменти пак беше неверојатно, додаде португалскиот менаџер.
 
По овој пораз Јунајтед заостанува зад лидерот Сити со 16 поени зад Сити и на 11 круга пред крајот на сезоната, битката за титулата во Премиер лигата се чини дека конечно е решена. /МИА

Фото: Европскиот шампион Вардар пристигна во Келн

Ракометарите на Вардар денеска пристигнаа во Келн каде викендов ќе ги играат натпреварите на Ф4 турнирот во Лигата на шампионите.

Вардарци кои ќе ја бранат титулата се првиот тим што пристигна во германскиот град. Доаѓањето на другите три полуфиналисти, сите се од Франција, е најавено за попладне.

За денеска планиран е и првиот тренинг, пред саботниот полуфинален меч со Монпеље.

Македонскиот шампион се надева дека ќе биде првиот тим што ќе го одбрани шампионскиот трофеј во ЛШ.

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

притисни ентер