Кавани најверојатно ќе го пропушти дуелот со Реал Мадрид

Голгетерот на ПСЖ, Единсон Кавани е неизвесен за гостувањето на Реал Мадрид во првиот 1/8-финален натпревар од Лигата на шампионите.
Тоа го изјави тренерот на францускиот тим, Унаи Емери.

Според него, уругвајскиот стрелец има повреда и во последен момент ќе одлучи дали да се обложи на него за тешкиот дуел на „Сантијаго Бернабеу“, кој ќе се одигра во среда од 20:45 часот по наше време.

- Курзава исто така има проблеми. И тој ќе помине фитнес тест за да видиме каква е неговата состојба, додаде Емери.

Од почетокот на сезоната Кавани е водечки голгетер на ПСЖ со 28 гола во 31 натпревари во сите натпреварувања. Тој не играше при синоќешниот успех со 1:0 како гостин на Тулуз во натпревар од 25-тото коло на Лига 1. Со повреди на „Парк де Пренс“ се уште искусниот Тиаго Мота, Хатем Бен Арфа и голманот Кевин Трап.

За Реал, со сигурност ќе отсуствува десниот дефанзивец Даниел Карвахал, кој е казнет./МИА

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

Наполи го отпушти тренерот Маурицио Сари

Италијанскиот фудбалски клуб Наполи го отпушти тренерот Маурицио Сари.

- Му благодариме на Маурицио Сари на драгоцената посветеност во Наполи, кој на овој град и навивачите ширум светот им донесе убави емоции и престиж, создавајќи стил на игра на кој му се воодушевуваа сите, напиша претседателот на клубот Аурелио де Лаурентис.

Фудбалскиот стручњак ќе добие обесштетување од половина милион евра, бидејќи Наполи му врачи отказ пред први јуни.

Сари е прв кандидат да го наследи Антонио Конте во Челзи, а на неговото место во Наполи треба да дојде Карло Анчелоти. Се очекува Анчелоти наскоро и официјално да биде претставен како нов тренер на Наполи./МИА

притисни ентер