Тенис

Федерер повторно најдобар на Австралија опен

Роџер Федерер повторно е победник на Австралија опен.

Швајцарецот ја одбрани титулата освоена лани, откако во годинашното финале беше подобар од Хрватот, Марин Чилиќ кого го совлада со 3:2 во сетови.

Федерер одлично го отвори мечот и уште на почетокот направи два брејка на сервис на противникот, што беа повеќе од доволни да го добие првиот сет со убедливи 6-2,

Во вториот сет, двајцата тенисери успеваа да го искористат својот сервис. Во десетиот гем Чилиќ ја пропушти сет топк, но затоа втората шанса ја искористи, а сетот го доби во тај-брејк со 7-5 на поени.

Во следните два, прво Федерер, а потоа и Чилиќ ги добија сетовите со 6-3.

Во решавачкиот пети сет 36-годишниот Швајцарец го демонстрира сето свое искуство, па на противникот му препушти само еден гем (6-1).

За Федерер ова е шести трофеј на Австралија опен, а вкупно даесети од Гренд-слем турнирите, со што стана првиот тенисер кој стигнал до оваа бројка.

За Чилиќ пак, ова беше трето финале на турнирите од големата четворка, од кои останува само на трофејот во првото во 2014-та кога триумфираше на УС Опен, додека лани во Вимблдон беше поразен токму од Федерер.

Ппобедникот на Австралија опен, Федерер, покрај трофејот, од Мелбурн заминува побогат за 2.612.000 евра, додека финалистот заработи речиси 1,5.милиони евра. /МИА

Македонија

МОН: Наставата од деновите на гласање ќе се надомести во работни денови

Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.

Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците.

Потсетуваме дека наставната година за учениците од средните училишта трае до 10 јуни, додека за учениците од основните училишта до 17 јуни и потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја.

Министерство за образование и наука

Свет

Четворица млади Германци се уапсени, додека полагале бели рози во куќата на Хитлер

Четворица Германци биле фатени како положуваат бели рози во куќата во која е роден нацистичкиот лидер Адолф Хитлер во западна Австрија на неговиот роденденот, а една жена меѓу нив го извела нацистичкиот поздрав додека се фотографирала.

Полицијата во провинцијата Горна Австрија соопштила дека четворица Германци, две сестри и нивните партнери, на возраст од 20-ти и раните 30-ти, отишле во зградата во саботата за да положат бели рози во прозорците, објави Политико.

Тие се фотографирале пред куќата, а една од жените го извела нацистичкиот поздрав. Патролните службеници ја забележале групата и ги однеле во полициска станица на распит.

Жената рекла дека не била сериозна во врска со поздравот, но полицајците изјавиле дека нашле разговор со други на нејзиниот мобилен телефон, во кој споделувале пораки и слики со нацистички теми.

Полицијата соопшти дека ќе ги пријави сите четворица пред обвинителството поради сомневање дека го прекршиле австрискиот закон за забрана на нацистички симболи.

Хитлер е роден на 20 април 1889 година во Браунау ам Ин.

По долги расправии за иднината на куќата во која е роден, минатата година почна да се работи за нејзино претворање во полициска станица, што требало да ги одврати оние кои го величаат Хитлер и имаат намера да ја посетат.

Живот

Венеција почнува да наплаќа влезници за еднодневните посети

Од четврток, Вeнеција ќе почне да им наплаќа влез во градот на еднодневните патници, што е прв ваков случај во светот. 

Градското собрание на Венеција, минатата година соопшти дека ќе почне примена на целосно нова такса од пет евра за туристите кои доаѓаат на посета само за еден ден. Давачката, чија имплементација се одложува неколкупати, ги таргетира само туристите кои влегуваат во стариот дел од 8:30 до 16:00 часот по локално време, соопштија градските власти, појаснувајќи дека целта е да се подобри квалитетот на животот во градот. Потенцијалните казни за непочитување се од 50 до 300 евра. За деца до 14-годишна возраст нема да се плаќа таква такса.

притисни ентер