Џејмс го предвододеше Кливленд до победа, заврши сезоната за Казнс

Во најквалитеттната светска кошаркарска лига, НБА, ноќеска беа одиграни десет натпревари.
Од нив, ја издвојуваме победата на вицепрвакот Кливленд, само втора на последните осум натпревраи. Кливленд предводен од Лебропн Џејмс ја совлада Индијана со 115-108.

Џејмс средбата ја заврши со „трипл-дабл“ учинок, осми за него сезонава. Тој покрај 26 поени, имаше и 11 асистенции и 10 скока. Покрај него добра партија пружи и  Кевин Лав со „дабл-дабл“ од 10 поени и 13 скока.

Тимот на Њу Орлеанс го совлада Хјустон пред своите симпатизери со 115-113. Сепак, победата сепак ќе остане во сенка на повредата на Демаркус Казинс, кој на осум секуди до крајот мораше да го напушти теренот. Првичните информации велат дека за Казнс сезоната е завршена.

Инаку Казинс имаше „трипл-дабл“ учинок со 15 поени, 13 скока и 11 асистенции. Најефикасен беше Ентони Дејвис со 27 поени и 11 скока.  На Хјустон не му помогнаа ниту Крис Пол и ЏЕјмс Харден кои исто така имаа „дабл-дфабл“ учиноци. Пол, мечот го заврши со 38 поени и 11 скокаа, Харден имаше 23 поени и 11 скока.

Луол Вилијамс со 40 поени и 1о асистенции беше предводник на Лос Анџелес Клиперс во победата на гостински терен кај Мемфис со 109-100.

Непријатни изненадување пред своите симпатизери доживеаа и кошаркарите на Сан Антонио кои загубија до Филаделфија со 78-97,  како и второ пласираниот во Источната конференција Торонто со поразот од Јута со 93-97. /МИА

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

Наполи го отпушти тренерот Маурицио Сари

Италијанскиот фудбалски клуб Наполи го отпушти тренерот Маурицио Сари.

- Му благодариме на Маурицио Сари на драгоцената посветеност во Наполи, кој на овој град и навивачите ширум светот им донесе убави емоции и престиж, создавајќи стил на игра на кој му се воодушевуваа сите, напиша претседателот на клубот Аурелио де Лаурентис.

Фудбалскиот стручњак ќе добие обесштетување од половина милион евра, бидејќи Наполи му врачи отказ пред први јуни.

Сари е прв кандидат да го наследи Антонио Конте во Челзи, а на неговото место во Наполи треба да дојде Карло Анчелоти. Се очекува Анчелоти наскоро и официјално да биде претставен како нов тренер на Наполи./МИА

притисни ентер