Австралија опен: Федерер без мака до ново финале во Мелбурн

Роџер Федерер ќе ја брани титулата освоена минатата година на Австралија опен. Швајцарецот утринава го потврди својот пласман во финалето на првиот Гренд-слем турнир оваа сезона.
 
Федерер без многу мака го доби натпреварот со сензационалниот полуфиналист 21-годишниот Хион Чунг од Јужна Кореја кој поради повреда го предаде натпреварот во вториот сет.

Федерер експресно го доби првиот сет, препуштајќи ми на противникот само еден гем, односно со 6-1. Во вториот беа одиграни седум гема, а Чунг при водство на Федерер од 5-2, принудно се повлече од натпреварот.

Со тоа Роџер Федерер се пласира во своето седмо финале на Австралија опен, каде досега има освоено пет трофеи, а единствениот пораз му беше во 2009 година,кога по речиси четири часа игра го загуби мечот со Рафаел Надал со 3-2.

Во финалето закажано за в недела, Федерер ќе игра против Хрватот, Марин Чилиќ.
Утре во женското финале за трофејот на Австралија опен ќе се борат првите две носителки Симона Халеп од Романија и Каролине Возњацки од Данска.

Наполи го претстави Карло Анчелоти за нов тренер

Италијанскиот фудбалски клуб Наполи го претстави Карло Анчелоти за нов тренер.

Фудбалскиот стручњак потпиша тригодишен договор вреден 6,5 милиони евра по сезона.

Претседателот на клубот Аурелио де Лаурентис пред неколку часа соопшти дека ја прекинале соработката со тренерот Маурицио Сари.

Анчелоти претходно беше тренер на Парма, Милан, Јувентус, Челзи, Реал Мадрид, ПСЖ и последно во Баерн Минхен. За него ова ќе биде прво враќање во Серија А по девет години.

Наполи заврши на второто место во Серија А  и следната сезона ќе игра во Лигата на шампионите./МИА

Леконт: Ѓоковиќ веднаш требаше да го оперира лактот

Поранешниот француски тенисер Анри Леконт изјави дека проблемот на Новак Ѓоковиќ е од ментална природа и се забележува дека не ужива на теренот. 

Според Леконт, најдобриот српски тенисер донел лоша одлука кога станува збор за неговото лечење и веднаш требало да замине на операција на лактот.

- Проблемот на Ѓоковиќ е од ментална природа. Мора да бидете решителни и да уживате во процесот на враќање. Се сомневам дека тој ужива на теренот, а треба да верува и да си докаже на себеси дека тоа е можно. Тој е одличен играч и мора повторно да освојува големи натпревари, но факт е дека не се врати на вистинскиот начин, потенцира поранешниот француски тенисер.

Според него за Ѓоковиќ не би било добро повторно да соработува со Борис Бекер.

- Најголемата грешка на Ѓоковиќ беше тоа што премногу долго ја одложуваше операцијата  на лактот, истакна Леконт.

Ѓоковиќ по тешкиот старт во 2018 година и по разочарувачките резултати, конечно на турнирот во Рим почна да игра на повисоко ниво, но се уште далеку од неговите најдобри периоди./МИА

Наполи го отпушти тренерот Маурицио Сари

Италијанскиот фудбалски клуб Наполи го отпушти тренерот Маурицио Сари.

- Му благодариме на Маурицио Сари на драгоцената посветеност во Наполи, кој на овој град и навивачите ширум светот им донесе убави емоции и престиж, создавајќи стил на игра на кој му се воодушевуваа сите, напиша претседателот на клубот Аурелио де Лаурентис.

Фудбалскиот стручњак ќе добие обесштетување од половина милион евра, бидејќи Наполи му врачи отказ пред први јуни.

Сари е прв кандидат да го наследи Антонио Конте во Челзи, а на неговото место во Наполи треба да дојде Карло Анчелоти. Се очекува Анчелоти наскоро и официјално да биде претставен како нов тренер на Наполи./МИА

притисни ентер