Прва победа на Лара Гут по една година

Швајцарката, Лара Гут е победничка на денешната супер-велеслаломска трка од Светскиот куп во алпско скијање, која се одржа во италијанскиот центар Кортина д’Ампецо.
До својата прва победа во оваа дисциплина, воедно и прва по пауза од една година, Гут стигна со резултат 1 минута 14,78 секунди, што беше за 14.стотинки побрзо од второ пласираната Јохана Шнарф од Италија.

Третото место го освои Австријката, Николе Шмидхофер која имаше 22.стотинки послабо постигнување од Швајцарката.

За Гут ова беше прва победа сезонава во Светскиот куп, а вкупно 24 во кариерата., со која изби и на првото место во Генералниот поредок во супер-велеслалом со 339 бодови, пред Тина Вајрајтер од Лихтенштајн која има 18 помалку.

Ова беше шестта од вкупно осумте трки во оваа дисциплина, но последна пред Олимписките игри во Пјонгкчанг.

Во севкупниот поредок во Светскиот куп и натаму водечка е Американката Михаела Шифрин со 1.447 бод, пред Вајрајтер која има 601, и Италијанката, Гоџија која остана на 570 бодови.

Џудо клубот „Ипон" од Скопје победник на Државното екипно првенство за сениори

Во организација на Џудо федерацијата на Македонија, а со техничка поддршка од џудо клубот „Гладијатор", денеска во Кочани се одржа државното екипно првенство во сениорска конкуренција.

Најмногу победи имаа џудистите на ЏК „Ипон" од Скопје и заслужено ги освоија златните медали и победничкиот пехар. Зад нив се пласираа членовите на ЏК „Сеишин" од Прилеп, а третото место му припадна на ЏК „Кожувчанка" од Кавадарци.

Кочани по втор пат беше домаќин на Државното екипно првенство што го отвори градоначалникопт Николчо Илијев, кој истакна дека иако џудото во овој регион од државата е релативно нова спортска вештина, сепак за краток период бележи брз напредок и кочанските џудисти веќе имаат освоено повеќе медали на домашни и меѓународни натпреварувања.

– Натпреварувачите на првенството за првпат настапија според новоусвоениот правилник кој е во согласност со барањата од Меѓународната џудо федерација. Новина е тоа што борбите се одвиваа во мешан состав, односно секоја екипа имаше по тројца натпреварувачи во женска и во машка конкуренција. Секој од нив настапи во посебна тежинска категорија, а ако некоја екипа нема комплетна екипа не може да се натпреварува, истакна Дејан Џокоски, член на натпреварувачката комисија.

Од раководството на Џудо федерацијата на Македонија оценија дека организацијата на првенството помина во најдобар ред, а Кочани нуди одлични просторни и технички услови за тренинзи и кондициска подготовка на екипите и репрезентацијата. 

Ветераните на Пирин најдобри на меѓународниот одбојкарски турнир во Струмица

Ветераните на Пирин од Разлог, Бугарија, го освоија првото место на меѓународниот одбојкарски турнир што се одржа вчера и завчера во Струмица.

 Во финалниот натпревар тие беа подобри од домаќините, ветераните на Струмица, забележувајќи победа од 2:0 во сетови.

Во натпревар за третото место ветераните на Рибница од Краљево, Србија, беа поуспешни од екипата на Тетово и славеа победа од 2:0.

Турнирот се одржува традиционално десетти пат по повод патрониот празник на Струмица „Светите петнаесет тивериполски свештеномаченици".

Организатор на турнирот се ветераните на Одбојкарскиот клуб Струмица.

Меѓународен одбојкарски турнир за ветерани во Струмица

Во Струмица почна Меѓународниот одбојкарски турнир за ветерани, што традиционално се одржува по десетти пат по повод патрониот празник на градот „Свети петнаесет Тивериополски свештеномаченици", кој се одбележува на 11 декември.

На турнирот учествуваат ветераните на екипите „Пирин" од Разлог, Бугарија, „Рибница" од Краљево, Србија, како и екипи од Тетово и Струмица.

Вчера се одиграа полуфиналните натпревари. Екипата на Пирин ги совлада ветераните на Тетово со 2:0 во сетови, а Струмица славеше против Рибница со 2:1.

Турнирот завршува вечер со одигрување на натпреварите за 3 и 4 место и финалниот натпревар кој ќе го одлучи победникот. 

притисни ентер