Лев на местото на Зидан во Реал Мадрид

Селекторот на германската фудбалска репрезентација Јоаким Лев е најсериозниот кандидат да го замени Зинедин Зиндан на кормилото на Реал Мадрид.
Како што пренесуваат шпанскиоте медиуми, претседателот на Реал, Флорентино Перез уште пред две години имал контакти со Германецот, но сепак на крајот се решил да му даде шанса на Французинот.

Но, и овој пат услов за Лев да седне на клупата на „кралевите“ е евентуалниот неуспех на Зидан во Лигата на шампионите, односно елиминација во осминафиналната рунда од францускиот Париз Сен Жермен.

Доколку се случи тоа, тогаш Лев ќе биде блиску до ангажман во Реал, кој пак од друга страна на Германецот ќе треба да му го исполни условот, да му дозволи, без никакви ограничувања, да ја води својата селекција на претстојното Светско првенство во Русија.

Сепак останува да се види дали ваквите најави ќе се остварат, особено ако се има во предвид дека речиси идентична најава имаше на почетокот на септември месец минатата година, но Зидан сеуште го предводи Реал и покрај лошото издание на во Ла Лига.

Челзи го нуди Моратa и 40 милиони евра за Икарди

Напаѓачот на Интер, Мауро Икарди е на врвот на листата на желби на Челзи, кој е подготвен да издвои 40 милиони евра за негово привлекување во тимот и во Милано да го испрати Алваро Мората, објавија италијанските медиуми.

Мората пристигна во Челзи оваа година и постигна вкупно 15 гола, но во вториот дел од сезоната тој беше надвор од форма и големи се шансите да го напушти клубот, за разлика од Икарди кој постојано ги тресеше противничките мрежи.

Шпанецот веќе разговарал со раководстото на Јувентус, Милан го сака, но тој на крајот може да се пресели на „Џузепе Меаца“.

Откупната клаузула на Икарди од 110 милиони евра истекува на 15 јули, но во лондонскиот клуб веруваат дека ќе можат да поминат поевтино.

Весникот „Ил Месаџеро“, исто така, вели дека жената на Мората е моден блогер од Италија, кое, покрај играњето во Лигата на шампионите следната сезона, е мотив повеќе да се преселат заедно во градот на модата за следната сезона./МИА

Фетел не ги гледа Ред Бул како закана во Монако

Ред Бул може и да доминираа целосно во првите два слободни тренинзи во Монако, но Себастијан Фетел верува дека тие можат да бидат победени в недела. 

Германецот ја заврши вчерапната втората сесија на тренигот за Големата награда на Монако во Формула 1 веднаш зад болидите на „биковите“.

- Ред Бул секогаш изгледаат силни на слободните тренинзи. Ќе видиме дали нивната презентација ќе биде како и обично. Мислам дека ние не треба да ги гледаме нив, тука да се фокусираме на себе и да си ја напишеме домашната, категоричен е Себ.

Фетел немаше поплаки до Ферари по првите две тренинг сесии.

- Ми беше доста удобно во автомобилот и јас сум задоволен од тоа како помина денот. Ова е доста позабавна патека од останатите. Трасата не дозволува да правиш грешки. Јас сум сигурен дека не го достигнав својот лимит и знам дека ќе бидеме уште побрзи, додаде четирикратниот шампион./МИА

Хулигани нападнале навивачи на Ливерпул во Киев (ВИДЕО)

Неколкумина навивачи на фудбалскиот клуб Ливерпул синоќа биле нападнати од група од околу 20 хулигани во Киев.

Маскираните хулигани ги нападнале Англичаните кои се наоѓале во близина на Олимпискиот стадион, каде што утре Реал Мадрид и Ливерпул го играат финалето на фудбалската Лига на шамиопните.

Нападнатите навивачи побарале засолниште во блискиот ресторан, користејќи ги масите како штит.

- Тие не бркаа со скршени шишиња и столици, при што беа повредени неколкумина. Тоа беше прилично застрашувачки, изјави 50-годишниот Џејсон Фрост, кој бил нападнат само неколку часа откако пристигнал во Киев.

Локалната полиција уапсила само двајца напаѓачи одговорни за насилството, а Англичаните тврдат дека им биле ставани лисици на рацете и на навивачи на Ливерпул, кои не сториле ништо.

Англиските медиуми потенцираат дека во украинскиот главен град постојат неколку познати хулигански групи, поддржувачи на локалните клубови Динамо и ЦСКА, чии припадници се подржувачи на десничарската идеологија.

Ливерпул и Реал Мадрид добија 16.626 карти од УЕФА за своите навивачи на стадионот со капацитет од 70.000 седишта./MИА

притисни ентер