Две дерби средби на стартот на вториот дел на Бундес лигата

По речиси едномесечна пауза вечерва започнува вториот дел од фудбалскиот шампионат на Германија.
Уште на стартот, ќе бидат одиграни два дерби дуели. Вечерва во Леверкузен, екипата на Баер, кој е на четвртото место, го пречекува актуелниот првак и лидер на табелата минхенски Баерн.

Ова е воведниот меч од 18. коло на Бундес лигата, кое утре ќе ја понуди и втората дерби средба во која тимот на РБ Лајпциг ќе ги угости фудбалерите на Шалке.

Од екипите кои претендираат за највисок пласман и настап на европската сцена следната сезона, Борусија Дортмунд го пречекува Волфсбург, а Борусија Менхенгладбах му гостува на Келн.

По 17-те одиграни кола во првиот дел, лидерот Баерн Минхен создаде голема предност во одност на останатите. Баварците имаа 41 бод, дури 11 повеќе од второпласираниот Шалке (30 бодови), по кој следуваа: Борусија Дортмунд, Баер Леверкузен, РБ Лајпциг и Борусија Менхенгладбах со по 28 бодови. /МИА

СП 2018: Белгија убедливо ја совлада Панама

Белгија убедливо ја совлада Панама со 3:0 во првиот натпревар од групата Г на Светското првенство во Русија.

Белгиската репрезентација доминираше на теренот во текот на целиот натпревар и без поголеми проблеми дојде до победа.

Првиот гол во 47 минута го постигна Дрис Мертенс, а потоа Ромелу Лукаку прво во 68 минута зголеми на 2:0, а седум минути подоцна беше прецизен за конечни 3:0.

Во вториот натпревар од оваа група во Волгоград ќе се соочат Англија и Тунис. /МИА

СП 2018: Јеро: Имаме целосна доверба во Де Геа

Селекторот на шпанската репрезентација Фернандо Јеро изјави дека голманот Давид де Геа е смирен и сталожен по натпреварот со Португалија, во кој направи неколку грешки и прими три гола од португалскиот фудбалер Кристијано Роналдо.

Соседското дерби меѓу Шпанија и Португалија заврши со реми 3:3.

- Забележав дека Давид е смирен и сталожен. Во него сите имаме целосна доверба. Тимот имаше еден слободен ден и морам да кажам дека играчите се поопуштени, истакна Јеро.

Шпанија следниот натпревар го игра на 20 јуни против Иран. /МИА

СП 2018: Шведска со пенал ја совлада Јужна Кореја

Шведска со гол од пенал на натпреварот против Јужна Кореја стигна до минимална победа од 1:0 во групата Ф на Светското првенство во Русија.

Натпреварот во Нижи Новогород изобилуваше со прекршоци. Јужна Кореја покажа подобра игра во почетокот, контролирајќи го поседот на топката. Меѓутоа, најсериозната шанса во првиот дел ја имаше Шведска преку Маркус Берг, но голманот на Јужна Кореја Чо Хјун-Ву имаше уште одлична интервенција.

Швеѓаните во второто полувреме доминираа на терен. Во 61-та минута Ким Мин-Ву го фаулираше Виктор Клаесон, а судијата Агиљар по прегледување на снимката од ВАР системот досуди пенал за Шведска.

Капитенот Андреас Гранквист го реализираше пеналот за водство на Шведска од 1:0.

Во оваа група Шведска и Мексико водат со по три бода, а Германија и Јужна Кореја се без бодови. /МИА

притисни ентер