Европскиот првак Вардар со осум ракометари ги почна подготовките за продолжување на сезоната

Само осум ракометари од европскиот првак Вардар, кои немаат обврски кон своите национални репрезентации беа вечерва на првиот тренинг во новата 2018 година во продолжението од сезоната 2017/2018.

Тренингот го водеше Раул Гонзалез, кој е воедно и селектор на македонската репрезентација, но тој од четврток ќе биде на Европското првенство во Хрватска.
- Во лигата на шампионите сме во добра ситуација имаме три бодови предност од Нант, но сега ни следуваат натпреварите со Барселона и со Нант на гостински терен. Мора целата екипа да биде во добра форма, изјави Раул за клупскиот сајт.

„Црвено-црните“ сезоната ја завршија без пораз во Лигата на шампионите, а во СЕХА лигата имаат максимални 11 победи. Во Лигата на шампионите Вардар има да одигра уште четири натпревари од групната фаза и веќе има обезбедено пласман во осминафиналето, но целта е првото место во групата и директен пласман во четвртфиналето.

По завршувањето на ЕП во Хрвтска, Вардар првиот натпревар го игра на гости на 2.февруари против Мешков Брест, додека на 10.февруари е дуелот на гости од ЛШ против Барселона./MИА

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

Девет лица приведени во Таџикистан поради поврзаност со нападот во Москва

Државниот комитет за национална безбедност на Таџикистан уапси девет лица за кои верува дека се поврзани со осомничените за нападот во концертната сала во Москва.

Светските агенции повикувајќи се на извори во безбедносните сили на Таџикистан, денеска наведуваат дека осомничените се уапсени и поради нивните врски со огранокот на терористичката организација Исламска држава во Хорасан (ИСИС-К).

Според нивните информации, сите девет лица биле приведени на 25 март во градот Вахдат и се одведени во Душанбе.

Истражниот комитет на Русија вчера соопшти дека е уапсено уште едно лице осомничено дека учествувало во финансирањето на нападот во Москва. /МИА

притисни ентер