Сенегал е третата африканска земја со пласман на Мундијалот во Русија

Репрезентацијата на Сенегал обезбеди пласман на Светското фудбалско првенство во Русија што ќе се одржи следнат 2018 година.
Во заостаната натпревар од 2.коло на африканската зона, фудбалерите на Сенегал на гости ја совладаа Јужна Африка со 2-0.

Фудбалерот на Вест Хем, Диафра Сако во 13.минута, му донесе предност на Сенегал од 1-0, додека вториот гол беше практично дело на домашниот фудбалер Мкхизе кој во 38.минута си постигна автогол.

Со оваа победа репрезентација го осигура првото место во Д групата и обезбеди пласман на Мундијалот во Русија. Сенегал е само третата земја од африканскиот континент која се пласира на Светското првенство. Пред неа тоа го сторија Нигерија и Египет.

Остануваат уште две слободни места за земјите од Африка.

За едно во директна пресметка ќе се борат Брегот на слоновата коска и Мароко во меч кој ќе се игра утре, а кој ќе реши која од овие селекции ќе ја освои првата позиција во Ц групата.

Кој ќе биде прв во А групата останува да се види по утрешните мечеви во кои Тунис ја пречекува Либија, а ДР Конго е домаќин на Гвинеја. Во пресрет на овие натпревари Тунис има три бодови повеќе од конкурентот ДР Конго. /МИА

СП 2018: Хрватскиот селектор го врати Калиниќ дома

 Атмосферата во хрватската репрезентација е малку нарушена и покрај рутинската победа над Нигерија на почетокот на Светското првенство. 

Хрватските медиуми објавија дека селекторот Златко Далиќ го отстранил од националниот тим Никола Калиниќ.

Оваа одлука на селекторот е резултат на одбивањето на Калиниќ да влезе во игра пет минути пред крајот на натпреварот со Нигерија.

- Златко Далиќ по натпреварот со Нигерија изјави дека нема повредени играчи, туку постојат само неколку мали „проблемчиња“. Тешко дека одбивањето на Калиниќ да влезе во игра може да се нарече „проблемчиња“, пишуваат хрватските медиуми.

Селектор Далиќ не сакаше да коментира за овој настан и се очекува својот став да го соопшти попладне на прес-конференција. 

Михајловиќ ќе биде новиот тренер на Ристовски во Спортинг

Српскиот фудбалски стручњак Синиша Михајловиќ се наоѓа во Лисабон каде се очекува во најскоро време да биде промовиран во нов тренер на Спортинг.

Поранешниот тренер на Торино и на српската репрезентација се договорил со португалскиот клуб на двегодишна соработка.

За Спортинг настапува македонскиот репрезентативец Стефан Ристовски.

По бурната сезона „зелено-белите останаа без тренер, откако тимот го напушти Жорге Жезус, а исто така од Спортинг си заминаа и поголем број играчи. 

Мурињо: Англија мора да го порази Тунис, но исто така се зборуваше и за Бразил и Аргентина

Менаџерот на Манчестер Јунајтед, Жозе Мурињо, смета дека репрезентацијата на Англија мора да го совлада Тунис на дуелот од Светското првенство 2018.

- Дали го гледавте Тунис како играше со Португалија. Искрено, не ми се допадна тој натпревар. Тунис по својот потенцијал и стил е сличен на Мароко. Англија треба да победи, но истото тоа важеше и за Бразил и за Аргентина. Мислам дека натпреварот ќе биде интересен, изјави Мурињо.

Натпреварот Тунис – Англија ќе се игра во Волгоград вечер со почеток во 20 часот.

Три часа претходно (од 17 часот) ќе почне другиот меч од 1.коло во Г-групата меѓу Белгија и Панама. 

притисни ентер