Буфон: Италија мора да избори пласман на Светското првенство

Фудбалската јавност во Италија стравува дека доколку не се мине Шведска во баражот „Аѕурите“ нема да бидат дел од Светското првенство за прв пат по 1958 година, токму на шампионатот кој се одржа во оваа скандинавска земја.
Ситуацијата се обиде да ја смири капитенот Џанлуиџи Буфон.

„Италија мора да избори пласман на СП. Без сомнение дека овој натпревар, ако заврши добро, ќе ми донесе многу среќа, па затоа не сакам да размислувам за алтернативи“, изјави на вообичаената прес-конференција пред мечот Буфот.

Легендарниот голман кој наскоро ќе полни 40 години, најави дека кариерата планира да ја заврши со настапот на Мундијалот во Русија. Сепак тој предупреди и дека, противникот ќе биде многу тешко.

„Дополнителните квалификации се необични, бидејќи ние долго не сме играле во нив. Тоа е можност за нас или за нив да се пласираат на многу посакуваното натпреварување. Швеѓаните без Ибрахимовиќ? Па, сигурно се многу по одговорни“, дополни низ насмевка Буфон.

Првиот бараж меч меѓу Шведска и Италија се игра вечерва во Стокхолм, додека реваншот е по три дена на „Сан Сиро“ во Милано. /МИА

Оскар Табарез уште четири години ќе биде селектор на Уругвај

Оскар Табарез и во следните четири години ќе биде селектор на Уругвај.

Табарез веќе 12 години ја предводи уругвајската репрезентација, а денеска потпиша нов четиригодишен договор.

Уругвај на Светското првенство во Русија беше елиминиран од Франција во четвртфиналето.

Доколку ги поминe квалификациите 71-годишниот Табарез четврти пат ќе го предводи Уругвај и на Мундијалот во 2022 година.

Германија во предност за ЕП 2024, УЕФА загрижена за политичката состојба во Турција

 Европската фудбалска унија (УЕФА) изрази загриженост поради непочитувањето на човековите права во Турција, која е кандидат за домаќин на Европското првенство во 2024 година.

УЕФА во текот на следната седмица треба да го соопшти домаќинот на ЕП 2024, а освен Турција кандидат е и Германија.

Во анализата на турската кандидатура се изразува загриженост за репресивните политики на претседателот Реџеп Таип Ердоган, и се вели дека не е образложен начинот на кој ќе бидат заштитени човековите права.

- Не постоењето на акциски план во врска со човековите права предизвикува загриженост, наведуваат од УЕФА.

Паралелно со ова, Германија ќе се обиде да ги искористи недостатоците во турската кандидатура во својата кампања за организацијата на првенството.

- Кандидатурата на Фудбалската федерација на Германија е квалитетна и ги исполнува сите очекувањa во однос на политичките прашања, социјалната сигурност, одржливост и човековите права, наведуваат од УЕФА.

Дополнителен проблем за Турција се и законските ограничувања за рекламирање на алкохолни производи што ја доведува УЕФА во конфликт со спонзорите. Извршниот комитет на УЕФА во четврток ќе гласа за домаќинот на Европското првенство во 2024 година.  

Претходно УЕФА и ја додели на Турција организацијата на финалето во Лигата на шампионите во 2020 година.

Лејвер: Ѓоковиќ ќе доминира во следните две до три години

 Легендарниот австралиски тенисер Род Лејвер смета дека српскиот тенисер Новак Ѓоковиќ ќе доминира на светската сцена во следните две до три години.

Ѓоковиќ во последните три месеци ги освои Вимблдон, Синсинати и Ју-Ес Опен, а Лејвер очекува најдобриот српски тенисер да продолжи со истиот ритам.

- Во овој момент мислам дека на врвот е Новак. Пред пет години тоа беше Роже Федерер, а пред три Рафаел Надал. Во следните две до три години мислам дека Новак ќе биде главен и ќе освои уште многу титули, истакна Лејвер.

Легендарниот тенисер наведе дека големата тројка – Федерер, Надал и Ѓоковиќ, долго доминитра во тенисот, но дека се уште нема нови играчи кои би можеле да ги заменат. 

притисни ентер