Со амбиции за медали македонските кик-боксери ќе патуваат на СП во Будимпешта

Македонските кик-боксери со нетрпение го очекуваат настапот на Светското првенство што ќе се одржи во Будимпешта. Македонија ќе биде претставена од девет натпреварувачи, од кои се очекува 4-5 освоени медали.
Конкуренцијата ќе биде голема, бидејќи на шампионатот ќе настапуваат повеќе од 1.300 напреварувачи од вкупно 54 земји.
Селекторот на Македонија, Дејан Митровски одлучи боите на репрезентацијата да ги бранат: Хадис Рамадани (лоу кик -67 кг), Петре Велков (К1 -67 кг), Бобан Илиевски (лоу кик -75 кг), Мики Ивановски (К1 -86 кг), Јетмир Емрули (К1 -75 кг), Енвер Реџеповски (К1 -81 кг), Ненад Манојловски (Кик лајт -69 кг), Димитар Ѓоргиев (кик лајт -74 кг) и Милан Кубин (кик лајт -89 кг).

- Добро се подготвени нашите репрезентативци, бидејќи индивидуално се работеше со секого. За да не ризикуваме со повреди го одложивме Државното првенство, затоа што беше познат списокот на патниците за СП. Ќе бидам нескромен и ќе кажам дека очекувам 4-5 медали од овој Светски шампионат, изјави селекторот Митровски кој зеаедно со Драган Атанасовски ќе го сочинуваат тренерскиот тандем, а покрај нив ќе отпатуваат и судиите Андреј Ѓоргиев и Арбен Јонузи.

Како главни претенденти за освојување на медал се шампионите од Мундијалот во Белград пред две години, кога злато освоија Ненад Манојловски и Димитар Ѓоргиев кој е трикратен светски шампион.

Но, се очекува на медал да атакуваат и Рамадани, Кубин, Емрули и Реџеповски.

Репрезентацијата за Будимпешта заминува во петок на 3 ноември, а три дена подоцна (6 ноември) ќе започнат и борбите кои ќе се одржуваат се до 11 ноември./МИА

Бабунски: Со верба во себе можеме да бидеме успешни со Пјуник

Тренерот на Вардар, Бобан Бабунски ги искажа своите први импресии после вчерашната ждрепка во УЕФА која го додели Пјуник за противник на „црвено-црните“ во првото квалификациско коло од Лигата на Европа.

- Нема слаби противници, знаејќи го квалитетот на ерменските интернационалци Хамбарџумјан и на Барсегјан кои беа и се главни играчи во Вардар, нашиот противник сигурно ќе го има нашиот респект. Треба да ја гледаме нашата игра и идеја која ја спроведуваме на овие подготовки, и потоа да ја играме на двата натпревари. Од играчите ќе барам да бидат максимално подготвени, и да веруваат во своите квалитети како би ја минале првата пречка во Европа, вели Бабунски во изјавата за клупскиот сајт на „црвено-црните“.

Вардар на првиот дуел ќе гостува во Ерменија на 12 јули во Ереван, седум дена подоцна е реваншот во Скопје.

Емре Џан на медицински тестови во Торино пред потпишување на договор со Јувентус

Италијанскиот фудбалски шампион Јувентус објави на Твитер дека играчот од средниот ред Емре Џан допатувал во Торино.

Се очекува за многу скоро време 24-годишниот германски фудбалер да потпише договор со „Старата дама“.

Последниот клуб на Џан беше Ливерпул. Тој за „црвените“ играше во периодот 2014-2018 година. Од почетокот на овој месец го напушти „Енфилд“ како слободен агент. 

Здружението на кошаркари дава поддршка на предлогот за намалувањето на бројот на странски играчи

Здружение на кошаркарски играчи изразува целосна поддршка на финалниот предлог на Македонската кошаркарска федерација во однос на намалувањето на бројот на странски играчи.

МКФ предложи намалување на странците од шест на четири со задолжителен настап на тројца Македонци во игра за следната сезона во Македонската кошаркарска прва лига.

- Сметаме дека раководството на Федерацијата презема еден важен чекор за подобрување на статусот на домашните кошаркари, како и на македонската кошарката во целост. Сакаме да го поздравиме ваквиот потег, но и да потсетиме дека остануваат и други чекори кои според нас се неопходни за подигнување на квалитетот на сениорските лиги и подобрување на условите за тренинг и натпревари. Ваквите промени, се надеваме дека ќе ги поттикне Прволигашите да почнат посериозно да инвестираат во младите играчи, и ќе превземаат низа мерки како би го олесниле процесот на нивно усовршување и спортски напредок, се вели во соопштението на Здружението на македонски кошаркари. 

притисни ентер