Со „тројката“ на Вигинс Минесота ја победи Оклахома

Најинтересниот меч од синоќешната програма во НБА лигата се одигра во Оклахома Сити, каде со „тројката„ на Ендрју Вигинс со звукот на сирената, екипата на Минесота славеше победа на гостувањето кај Оклахома.
Откако Кармело Ентони постигна „тројка“ за водство од 113-112, домаќините ги делеа 4,7 секунди до триумф. Но, гостите од Минесота успеаја да организираат брза акција која резултираше со 3-поени, кога Вигинс погоди шут од преку 10.метри со звукот на сирената, за конечни Оклахома – Минесота 113-115.

Вигинс средбата ја заврши со 27 поени, колку што постигна и Карл Ентони Таунс. На домаќините не им поморна ниту дабл-дабл учинокците Расел Вестбрук и Ентони Адамс, како и поентерски расположениот Кармело Ентони. На крајот Вестбрук средбата ја заврши со 31 поен и 10 асистенции, Адам имаше учинок од 17 поени и 13 скокови, а Ентони постигна 23 поени.

Во Лос Анџелес, тимот на Лејкерси загуби во дуелот против Њу Орлеанс со 119-112. Ентони Дејвис со дабл-дабл учинок од 27 поени и 17 скокови беше најзаслужен за оваа победа на гостите.

На првиот меч одигран синоќа Бруклин „Нетс“ ја совлада Атланта со 116-104. Дури петмина кошаркари во победничката екипа имаа двоцифрен број на постигнати поени, а најмногу Ален Краби кој средбата ја заврши со 20 поени. /МИА

Модриќ: Не смее да не фаќа еуфорија

Хрватскиот репрезентативец Лука Модриќ по победата над Аргентина (3:0) во натпреварот од групната фаза на Светското првенство во 2018 година, рече тој знае дека на интернет почнаа еуфорија, но го повика својот тим да го задржи мирот.

- Победата над Аргентина зборува за силата на хрватскиот национален тим? Тешко е да се каже. Не треба да размислуваме за ова. Знам дека еуфоријата започна на Интернет, но треба да се смириме и концентрираме на она што треба да се направи. И не размислувај за некои луди работи. Имаме одличен тим, нашите навивачи веруваат во нас. Се надеваме дека ќе продолжиме во истиот дух, истакна Модриќ.

Хрватска по две кола на стартот на Мундијалот има максимални шест бода и веќе обезбеди пласман во следната фаза.

СП 2018: Сампаоли ја презема одговорноста за поразот од Хрватска

Селекторот на аргентинската фудбалска репрезентација, Хорхе Сампаоли ја презема вината за синоќешниот дебакл на неговите избраници.

Аргентина загуби од Хрватска со 3:0 и се наоѓа пред елиминација уште по групната фаза на Мундијалот во Русија.

- Многу сме разочарани. Ова е моја одговорност. Како тренер, јас сум одговорен за резултатот. Но индивидуалните грешки доведоа до промашени цели. Хрватска ја презеде иницијативата, и ние не можевме да смениме ништо. Се разбира, ова е многу болен пораз, но мора да останеме тим. Мојот тим за натпреварот, мојот проект не функционираше. Долго време работам како тренер и сум свесен за одговорноста. Се што останува за нас е да се бориме во последниот натпревар, да се држиме за секоја шанса, Сампаоли рече по натпреварот. 

СП 2018: Хрватска го понижи фаворитот Аргентина

 Аргентина претрпе еден од најсрамните порази во својата славна фудбалска историја. 

Двократните светски шампиони беадекласирани со 0:3 од Хрватска во очекуваниот со огромен интерес судир од групата „Д“ на Мундијалот 2018 и се на пат да отпаднат од Мундијалот 2018. 

Со еден поен од два натпревари „гаучосите“ имаат минимални шанси да продолжат во следната фаза и во голема мера зависат од исходот на утрешниот натпревар меѓу Исланд и Нигерија.

Анте Ребиќ го отвори резултатот во 53-тата минута по грешка на голманот Вили Кабаљеро. Лука Модриќ во 80-тата минута ги доведе до очај Аргентинците, со одличен гол од врвот на шеснаесетникот, а во дополнителното време во листата на стрелците се запиша и Иван Ракитиќ.

Со шест поени по првите два натпревари, „коцкастите“ веќе се во осминафиналето, а импресивната гол разлика од 5:0 кажува сама по себе зошто многумина експерти ги дефинираат како еден од скриените фаворити на првенството. 

притисни ентер