Силниот дожд го одложи дуелот Лацио – Милан

Невремето проследено со силен дожд што го зафати италијанскиот главен град Рим беше причина натпреварот Лацио – Милан од 3.коло во италијанската Серија А да биде одложен.
Дуелот требаше да се игра денес од 15 часот на стадионот „Олимпико“ но не постоеја услови за фудбал и ќче треба да се бара друг термин за овој меч.
Организатор вчера постави пластична фолија на теренот, но се беше залудно, бидејќи силниот ветар и дождот што непрекината паѓаше цел ден го „потопија“ теренот.

Во саботата беше одложен и натпреварот Сампдорија – Рома што требаше да се игра во Џенова, а под знак прашалник се уште неколку средби од оваа рунда./МИА

СП 2018: Швајцарија ја совлада Србија

Швајцарија ја совлада Србија со 2:1 во натпревар од групата Е на Светското првенство во Русија.

Во возбудливиот натпревар со сериозни шанси на двете страни, српската репрезентација дојде до водство од 0:1 со голот на Александар Митровиќ во петта минута, резултат со кој се замина на паузата.

Во почетокот на вториот дел Гранит Џака беше прецизен и Швајцарија во 52-та минута израмни на 1:1.

Швајцарската репрезентација со голот на Џердан Шакири во 90-та минута дојде до победа од 2:1.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман./МИА

СП 2018: Ахмед Муса и донесе победа на Нигерија против Исланд

Нигерија убедливо со 2:0 го совлада Исланд во натпревар од групата Д на Светското првенство во Русија.

За нигериската репрезентација ова е прва победа на Мундијалот, а стрелец на двата гола беше Ахмед Муса.

Нигериските фудбалери одиграа одличен натпревар, особено во вториот дел кога притисокот на голот на Исланд беше постојан и беа постигнати двата гола во 49 минута и 75 минута.

Нигерија со овие три бода останува во игра за нокаут фаза, а шанси имаат и Аргентина и Исланд, бидејќи за второто место во оваа група ќе се решава во последното коло.

СП 2018: Бразил во финишот ја совлада Костарика

Бразил во судиското надополнување ја совлада Костарика со 2:0 во натпревар од групата Е на Светското првенство во Русија.

Филипе Кутињо во 91-та минута беше прецизен за водство од 1:0 на бразилската репрезентација, а Нејмар во 97-та минута ја потврди победата и постигна гол за конечни 2:0.

Иако Бразилците влегоа како фаворити во натпреварот, многу потешко од очекуваното дојдоа до значајната победа и до трите бода.

Во второто полувреме интересен беше и моментот кога судијата досуди пенал за Бразил, откако Нејмар падна во шеснаесетникот на Костарика. Но, по консултација со ВАР системот ја поништи својата одлука.

Бразил сега има четири бода, додека Костарика остана без бодови и без шанси за натамошен пласман.

Во оваа група вечерва ќе играат Србија и Швајцарија./МИА

притисни ентер