Лига на нациите : Македонија против Косово , Грузија и Ерменија

Натпреварите во Лигата на нациите под покровителство на УЕФА ќе почне во септември следната година ,а ќе се игра во термините на пријателски натпревари .

Лигата на нациите во која ќе се натпреваруваат репрезентациите на 55 земји ,членки на УЕФА , ќе се одржува за време на квалификациите за Европското првенство во септември октомври и ноември следната година . Распоредот ќе зависи од коефициентите добиени по завршувањето на квалификациските натпревари за Светското првенство , но без да се сметаат резултатите од бараж натпреварите . Во Лигите А и Б ќе се натпреваруваат 12 репрезентации во четири групи од по три екипи .

Репрезентативците на Македонија , според сегашните резултати ќе се натпреваруваат во Лигата Д против фудбалерите на Латвија , Белорусија , Грузија , Ерменија, Фарски Острови , Луксембург , Литванија , Молдавија , Казахстан , Лихтенштајн , Андора , Малта , Косово , Сан Марино и Гибралтар .

Во Лигата Ц ќе се натпреваруваат 15 екипи и тоа во една група од по три и две од по четири репрезентации , додека во Лигата Д , екипите ќе бидат поделени во пет групи. Победниците ќе изборат пласман во посилната лига , а послабо пласираните ќе се паднат во пониска лига . Победниците од секоја група ќе изборат пласман на Европското првенство во 2020 година.

Во јуни 2019- та ќе се игра ,,final four” , а во март 2020 на програма е плеј оф , во која ќе учествуваат 16 репрезентации .

Во Лигата А ќе играат : Германија , Португалија , Белгија , Шпанија , Швајцарија , Франција , Англија , Италија , Полска , Хрватска , Исланд и Велс.

Во Лига Б ќе се натпреваруваат : Русија , Северна Ирска, Словачка , Шведска , Холандија , Украина Босна и Херцеговина , Австрија , Турција , Ирска , Данска и Унгарија.

Во Лига Ц : Словенија , Албанија , Црна Гора , Србија , Шкотска , Чешка , Романија , Грција , Бугарија,Израел , Норвешка , Кипар , Финска , Естонија и Азербејџан.

Стапката на наталитет во Италија се намалува

Националниот институт за статистика објави дека стапката на наталитет во Италија е намалена за 34,3 отсто од 2008 година, која беше последната година во која беше забележан пораст.

Стапката на наталитет во Италија продолжи да се намалува и во изминатата година, кога се регистрирани 379.000 раѓања, или 6,4 на 1.000 луѓе, покажуваат прелиминарните податоци објавени денеска од Националниот институт за статистика на Италија (ИСТАТ), цитиран од италијанската новинска агенција АНСА.

Во апсолутна смисла, ова е за 14.000 раѓања помалку од 2022 година, или пад од 3,6 отсто.

Националниот институт за статистика објави дека стапката на наталитет во Италија е намалена за 34,3 отсто од 2008 година, која беше последната година во која беше забележан пораст.

Просечниот број деца по жена се намалил од 1,24 во 2022 година на 1,2 во 2023 година, а историскиот минимум е забележан во 1995 година, кога се родиле 1,19 деца по жена. /МИА

МТСП: Понеделник неработен за граѓаните од католичка вероисповед

Понеделник, вториот ден на Велигден, според Грегоријанскиот календар, неработен за граѓаните од католичка вероисповед.

Министерството за труд и социјална политика соопштува дека согласно Законот за празниците, 1 април 2024 година (понеделник) вториот ден на Велигден, според Грегоријанскиот календар, е неработен ден за граѓаните од католичка вероисповед во Република Македонија.

Министерството за труд и социјална политика на граѓаните од католичка вероисповед им го честита празникот.

АВМУ: Донесено упатство за радиодифузерите за Претседателските и Парламентарни избори 2024

 Агенцијата за аудио и аудиовизуелни медиумски услуги (АВМУ), со цел појаснување на начинот на примена на правилата од Изборниот законик донесе упатство за радиодифузерите за Претседателските и Парламентарни избори 2024.

Како што соопштија денеска од АВМУ, со упатството се опфатени правилата за лимитите за платеното политичко рекламирање (ППР), означувањето на нарачателот на рекламирањето, распределбатата на времето во вести кај Јавниот сервис, бесплатното политичко претставување на Собранискиот канал, обезбедувањето пристапност на содржините за изборниот процес за лицата со попреченост, правилата за известување во деновите на изборниот молк особено за периодот на преклопување на двата изборни процеси.

- За време на изборната кампања за Претседателските избори, во првиот круг на гласање, радиодифузерите може да емитуваат вкупно девет минути и триесет секунди дополнително време за рекламирање на реален час емитувана програма, исклучиво наменети за ППР. Во упатството е точно утврдена распределбата на овие минути меѓу седумте подносители на листи/кандидатите за претседател. Во вториот круг на гласање вкупното време за ППР ќе зависи од времето за ППР што го користат подносителите на листи/кандидатите за претседател кои ќе ја продолжат изборната кампања во вториот круг, се наведува во соопштението.

За време на изборната кампања за Парламентарните избори, се појаснува во соопштението, радиодифузерите имаат право на дополнителни девет минути и триесет секунди за рекламирање на реален час, исклучиво наменети за ППР. По потврдувањето на поднесените листи на кандидати за пратеници од страна на Државната изборна комисија, Агенцијата соодветно ќе го дополни упатството за радиодифузерите за Претседателските и Парламентарни избори 2024.

- За време на изборниот молк за Претседателските избори, на 23 и на 24 април (до 19 часот) 2024 година, продолжува изборната кампања за Парламентарните избори, но запира медиумското покривање во вестите и во посебните-информативни емисии на учесниците во изборните кампањи за двата изборни процеси, се додава во соопштението од АВМУ.

Јавниот сервис и телевизиите на државно ниво што ќе објавуваат платено политичко рекламирање, треба да емитуваат содржини поврзани со изборниот процес во формат пристапен за лицата со попреченост.

Упатството за радиодифузерите за Претседателските и Парламентарни избори 2024 е достапно на веб страницата www.avmu.mk.

притисни ентер