Севастовоа преку Шарапова до четвртфиналето на УС Опен

Летонката Анастасија Севастова ја победи руската тенисерка Марија Шарапова и се пласира во четвртфиналето на Грен слемот УС Опен, каде ќе се сретне со Слоен Стивенс (САД).
Севастова које е 16. носителка на турнирот во Њуојрк, иако го загуби првиот сет со 5:7, имаше сили за резултатски пресврт и ги доби следните два сета со 6:3 и 6:1.

Стивенс во осминафиналето исто така во три сета беше подобра од Германката Јулија Гергес

Покрај двојката Севастова – Гергес, познат е уште еден пар за четвртфиналето во женска конкуренција на Отвореното тениско првенство на САД. Деветтата носителка Венус Вилијамс (САД) ќе игра со Петра Квитова од Чешка која ноќеска ја елиминира третата фаворитка Гарбине Мугуруза (Шпанија). 

СП 2018: Швајцарија ја совлада Србија

Швајцарија ја совлада Србија со 2:1 во натпревар од групата Е на Светското првенство во Русија.

Во возбудливиот натпревар со сериозни шанси на двете страни, српската репрезентација дојде до водство од 0:1 со голот на Александар Митровиќ во петта минута, резултат со кој се замина на паузата.

Во почетокот на вториот дел Гранит Џака беше прецизен и Швајцарија во 52-та минута израмни на 1:1.

Швајцарската репрезентација со голот на Џердан Шакири во 90-та минута дојде до победа од 2:1.

Во оваа група Бразил и Швајцарија сега имаат по четири бода, Србија има три, додека Костарика остана без бодови и без шанси за натамошен пласман./МИА

СП 2018: Ахмед Муса и донесе победа на Нигерија против Исланд

Нигерија убедливо со 2:0 го совлада Исланд во натпревар од групата Д на Светското првенство во Русија.

За нигериската репрезентација ова е прва победа на Мундијалот, а стрелец на двата гола беше Ахмед Муса.

Нигериските фудбалери одиграа одличен натпревар, особено во вториот дел кога притисокот на голот на Исланд беше постојан и беа постигнати двата гола во 49 минута и 75 минута.

Нигерија со овие три бода останува во игра за нокаут фаза, а шанси имаат и Аргентина и Исланд, бидејќи за второто место во оваа група ќе се решава во последното коло.

СП 2018: Бразил во финишот ја совлада Костарика

Бразил во судиското надополнување ја совлада Костарика со 2:0 во натпревар од групата Е на Светското првенство во Русија.

Филипе Кутињо во 91-та минута беше прецизен за водство од 1:0 на бразилската репрезентација, а Нејмар во 97-та минута ја потврди победата и постигна гол за конечни 2:0.

Иако Бразилците влегоа како фаворити во натпреварот, многу потешко од очекуваното дојдоа до значајната победа и до трите бода.

Во второто полувреме интересен беше и моментот кога судијата досуди пенал за Бразил, откако Нејмар падна во шеснаесетникот на Костарика. Но, по консултација со ВАР системот ја поништи својата одлука.

Бразил сега има четири бода, додека Костарика остана без бодови и без шанси за натамошен пласман.

Во оваа група вечерва ќе играат Србија и Швајцарија./МИА

притисни ентер