Иско и Реал ќе ја продолжат соработката

Иско и Реал Мадрид се блиску до постигнување договор за продолжување на соработката.
Еден од најзаслужните играчи за триумфот на Реал Мадрид, против Манчестер Јунајтед во дуелот од Суперкупот одигран во Скопје, Иско, кој воедно го постигна и вториот гол за „Кралскиот клуб“, ќе остане во Мадрид до јуни 2022 гоина, пренесуваат медиумите во Шпанија.

Самиот Иско, кој беше прогласен за најдобар играч на Суперкупот, по натпреварот најави дека е блуску до продолќување на договорот.

- Можеби сега не е вистинскиот момент да се зборува за тоа. Сега треба да славиме. Но, можам да ви кажам само дека наскоро се ќе биде завршено, блиску сум до нов договор, изјави Иско.

Иако засега не се откриваат финансиките детали од новиот договор меѓу Иско и Реал, сигурно е дека шпанскиот репрезентативец, кој летово беше „мета“ на повеќе клубови пред се од Премиер лигата, ќе дибие многу поголема плата од актуелната, па шпанските медиуми шпекулираат дека таа годишна ќе изнесува шест милиони евра. /МИА

Хенес за Озил: Се радувам дека се повлече, не игра ништо со години

Претседателот на Баерн Минхен, Ули Хенес го нападна халфот на Арсенал, Месут Озил, кој вчера изненадувачки се повлече од репрезентацијата на Германија.

- Многу се радувам дека овој кошмар заврши. Тој не игра ништо со години. Последниот освоен дуел со него е пред Светското првенство во Бразил во 2014 година. А сега се сокри зад оваа слика (со турскиот претседател Ердоган -н.з.) за да ја оправда слабата игра. На Светското првенство во Русија никој не го постави прашањето зошто тој игра толку слабо, изјави Хенес пред „Билд“.

Хенес продолжи со нападите и за неговата презентација на клупско ниво.

- Секогаш кога сме играле против Арсенал, сме напаѓале во неговата зона, бидејќи сме свесни дека тој е нивната најслаба точка, вели претседателот на германскиот шампион.

Ливерпул пропуштил да го земе Алисон за многу помалку пари во 2015 година

 Вицешампионот на Европа, англиски Ливерпул даде 67 милиони фунти за привлекување на голманот Алисон, и логично, навивачите на „црвените“ се многу ентузијастички настроени поради неговото пристигнување.

Но, тие нема да бидат толку среќни кога ќе дознаат дека клубот можел да го привлече Алисон за само четири милиони фунти. Тоа било можно во јули 2015 година кога Ливерпул имал можност да го земе Бразилецот за само 3,1 милион фунти и дополнителни исплати од 900.000 од британската валута.

Тогаш агентот на играчот, Зе Марија Нејш, испратил детални информации за неговиот клиент во Ливерпул и неколку други тимови во Премиер лигата и Чемпионшип првенството.

Во тоа време Алисон веќе остави впечаток со настапите за младинските тимови на Бразил, но се уште немаше покажано што знае во Европа, поради што од Ливерпул се одлучиле да не ризикуваат со неговото привлекување. 

Манчестер Јунајтед со нов нерешен резултат во САД

 Манчестер Јунајтед не успеа да постигне гол против Сан Хозе, а контролата средба во Санта Клара заврши со 0:0.

„Црвените ѓаволи“ беа без голем дел од нивните главни фудбалери кои се на одмор по Мундијалот. Сепак, имиња како Алексис Санчез, Лук Шо и Ентони Марсиал беа на теренот.

Ерик Баи погоди пречка на почетокот на натпреварот, а подоцна Крис Вондоловски од МЛС тимот го направи истото.

Сан Хозе направи 15 замени во мечот, а за Јунајтед најлошиот момент дојде во првата половина кога капитенот Антонио Валенсија го напушти теренот повреден. 

- Тој е повреден и мора да се справиме со тоа. Минатата сезона тој имаше таква ситуација, а во оваа можеби ќе се случува почесто, прокоментира Жозе Мурињо по дуелот.

За Јунајтед, тоа беше втор нерешен резултат на два натпревари во САД, откако првиот заврши 1: 1 против мексиканскиот клуб Америка.

Во наредните денови, Давид де Хеа, Немања Матиќ и новиот додаток Фред, ќе се приклучат на тимот. 

притисни ентер