Македонските ракометари убедливи против Чешка за потврда на пласманот на ЕП 2018

Македонија ја победи Чешка со убедливи 33:20 и го освои првото место во четвртата група во квалификациите за Европското првенство 2018 во Хрватска.


Предводени од капитенот Кирил Лазаров кој мечот го заврши со 11 голови, „црвено-жолтите“ во текот на сите 60 минути ја имаа контролата на резултатот и во ниту еден момент не ја доведоа победата во прашање.

Нападот беше одличен, Македонците погодуваа од сите позиции, на моменти и со атрактивна игра и „цепелини“, а одбраната засилена со повратникот Ацо Јоноски ги одбиваше атаците на Чесите. Голманот Борко Ристовски бранеше „зицери“ и сето тоа на крајот резултира со убедливи плус 13.

Доминацијата на нашите ракометари на 15-ина минути пред крајот беше изразена со двоцифрена предност (25:15), што беше убава можност селекторот Раул Гонзалес да им даде шанса за настап и на резервните играчи.

Од репрезентацијата вечерва се прости Влатко Митков кој доби овации од преполниот СЦ „Борис Трајковски“.

На другиот натпревар од 6.коло во оваа група, Исланд на домашен терен ја совлада Украина со 34:26.

Македонија го освои првото место на табелата и ќе се најде во попривилигиран шешир при ждребот за ЕП. Чешка како втора ЕП оди во Хрватска, а пласман на евро-шампионатот обезбеди и Исланд, како најдобра трето пласирана репрезентација од седумте квалификациски групи.
Табела: Македонија 7 бода, Чешка 6, Исланд 6, Украина 5. 

Буфон: Ќе ми треба една седмица да донесам конечна одлука

Џанлуиџи Буфон се уште не донел конечна одлука дали и каде ќе ја продолжи кариерата и ги демантира шпекулациите кои се појавија во светските медиуми дека веќе се договорил со Пари Сен Жермен.

Францускиот шампион му упати покана на Буфон кариерата да ја продолжи во француската престолнина.

Буфон се повлече од Јувентус по 17 години поминати во торинскиот гигант. Тој во саботата за последен пат играше натпревар за „старата дама“.

- Ќе ми треба барем една недела, за да се смирам и да дојдам на себе по заминувањето на Јувентус. Има 40 години, минато ми е времето да носам спонтани и избрзани решенија. Треба внимателно да анализирам ситуацијата, бидејќи изборот не е лесен, изјави Буфон за „Скај Спорт“. 

Усека прв пат во историјата ќе игра во Примера

За првпат во клупската историјата, екипата на Усека ќе игра во најсилната шпанска фудбалска лига. 

Уеска ја победи Луга со 2:0 во последнито натпревар од 40. коло во Сегунда и на две рунди пред крајот создаде недостижни седум бода предност пред Спортинг од Хихон, кој е на третото место.

Усека ќе биде тимот со најмал стадион во историјата на Примера. „Ел Алкорас“ има капацитет од само 5.500 илјади гледачи. Досега прв на оваа листа беше Еибар со „Мунисипал“ кој собира 7.000 посетители.

Во следните две рунди од Сегунда шанси за прволигашки пласман има Рајо Ваљекано, додека за место во плејофот ќе се борат Спортинг Хихон, Сарагоса, Ваљадолид и Кадиз, Нумансија, Овиедо и Осасуна.

Од Приемра испаднаа Ла Коруња, Лас Палмас и Малага. 

Емери наследник на Венгер во Арсенал

Унаи Емери ќе биде новиот менаџер на Арсенал, пренесе Би-Би-Си, наведувајќи дека разговорите на раководството на премиерлигашот со младиот шпански тренер Микел Артета не завршила позитивно.

Се очекува денеска или утре и официјално Арсенал да го промовира досегашниот тренер на ПСЖ.

46-годишниот Емери претходно работеше во Лорка, Алмерија, Валенсија, Спартак Москва и Севиља со која има три трофеи во Лига Европа. 

притисни ентер