Фото-Видео:Голден Стејт нов шампион во НБА

Кошаркарите на Голден Стејт ја освоија шампионската титула во НБА лигата откако ноќеска во петтиот дуел од финалната серија беа подобри од Кливленд со 129:120.

Најефикасен играч на мечот беше Кевин Дурант со 39 поени, Стеф Кари постигна 34.
Во поразениот тим вообичаено најдобар беше Леброн Џејмс со 41 поени, 13 скокови и осум асистенции, Кајри Ирвинг стигна до 26 поени.

За „воините“ ова беше 16 победа во плеј-офот и со само еден пораз на доминантен начин го завршија разигрувањето за трофејот оваа сезона.

Финалната серија заврши со резултат 4-1 во победи за Голден Стејт кој шампионската титула ја презема од Кливленд повторувајќи го успехот од пред две години кога во финалето исто така беа поуспешни од „кавалирс“.

За најкорисен играч (МВП) во финалната серија е прогласен Кевин Дурант кој со Голден Стејт ја реализира својата цел, да освои шампионски прстен во НБА лигата.

СП 2018: Се запали авионот на Саудиска Арабија

Авион во кој се наоѓаше експедицијата на фудбалската репрезентација на Саудиска Арабија се запали на нивното патување кон Ростов.

Пламен се појави на едно крило, но за среќа авионот слета безбедно во Ростов и трагедијата беше избегната. Огнот беше предизвикан од технички проблем со моторот на рускиот Ербас.

Од раководството на Фудбалскиот сојуз на Саудиска Арабија потврдија дека никој не е повреден и дека фудбалерите и стручниот штаб се безбедни.

- Фудбалската федерација на Саудиска Арабија сака да ве увери дека членовите на репрезентацијата се апсолутно безбедни по малиот дефект на моторот на авионот, се вели во соопштението.  /МИА

СП 2018: Кејн во финишот и донесе победа на Англија против Тунис

 Англија со гол во судиското надополнување го совлада Тунис со 2:1 во вториот натпревар од групата Г на Светското првенство во Русија.

Англичаните во првиот дел ја оправдаа фаворитската улога и доминираа на теренот, при тоа имаа неколку сериозни шанси за погодок.

Англија со голот на Хари Кејн во 18-та минута поведе со 1:0. Меѓутоа, Тунис иако потешко доаѓаше до контрола на топката успеа во 35 минута со гол од пенал, кој успешно го реализираше Ферјани Саси, да израмни на 1:1.

Англиската репрезентација и во вториот дел продолжи со притисокот врз голот на Тунис, но изостануваше реализација се до 91-та минута кога Кејн повторно беше прецизен и донесе победа од 2:1.

Во првиот натпревар од оваа група Белгија убедливо ја совлада Панама со 3:0. 

СП 2018: Белгија убедливо ја совлада Панама

Белгија убедливо ја совлада Панама со 3:0 во првиот натпревар од групата Г на Светското првенство во Русија.

Белгиската репрезентација доминираше на теренот во текот на целиот натпревар и без поголеми проблеми дојде до победа.

Првиот гол во 47 минута го постигна Дрис Мертенс, а потоа Ромелу Лукаку прво во 68 минута зголеми на 2:0, а седум минути подоцна беше прецизен за конечни 3:0.

Во вториот натпревар од оваа група во Волгоград ќе се соочат Англија и Тунис. /МИА

притисни ентер