Лазаров стигна до 54. трофеј во кариерата

Со освојувањето на Купот на Кралот во Леон, Кирил Лазаров го одигра последниот натпревар во дресот на Барселона.
Најдобриот македонскиот ракометар со петтиот трофеј оваа сезона ја заврши четиригодишната авантура во каталонскиот клуб и по седум години поминати во Шпанија заминува во француски Нант.

Овој трофеј за Лазаров е вкупно 21-ви во дресот на Барселона и 54-ти во кариерата.

Ова се 54. освоени трофеи на Лазаров во неговата досегашна кариера:

Лигата на шампионите – 1 (со Барселона).
IHF Супер глоб – 3 (1 со Атлетико Мадрид и 2 со Барселона).

Национален првак – 18 (2 со Пелистер, 7 со Загреб, 5 со Фотекс Веспрем, 4 со Барселона).

Национален куп – 19 (2 со Пелистер, 5 со Загреб, 5 со Фотекс Веспрем, 3 со Сиудад Реал, 4 со Барселона).

АСОБАЛ купот – 5 (1 со Атлетико Мадрид и 4 со Барселона).

АСОБАЛ Суперкуп – 6 (2 со Атлетико Мадрид и 4 со Барселона).

Каталонски Суперкуп – 2 (со Барселона).

Покрај овие колективни признанија, Лазаров често пати и индивидуално се истакнуваше носејќи го дресот на најтрофејниот клуб во Шпанија и Европа. /МИА

Буфон: Ќе ми треба една седмица да донесам конечна одлука

Џанлуиџи Буфон се уште не донел конечна одлука дали и каде ќе ја продолжи кариерата и ги демантира шпекулациите кои се појавија во светските медиуми дека веќе се договорил со Пари Сен Жермен.

Францускиот шампион му упати покана на Буфон кариерата да ја продолжи во француската престолнина.

Буфон се повлече од Јувентус по 17 години поминати во торинскиот гигант. Тој во саботата за последен пат играше натпревар за „старата дама“.

- Ќе ми треба барем една недела, за да се смирам и да дојдам на себе по заминувањето на Јувентус. Има 40 години, минато ми е времето да носам спонтани и избрзани решенија. Треба внимателно да анализирам ситуацијата, бидејќи изборот не е лесен, изјави Буфон за „Скај Спорт“. 

Усека прв пат во историјата ќе игра во Примера

За првпат во клупската историјата, екипата на Усека ќе игра во најсилната шпанска фудбалска лига. 

Уеска ја победи Луга со 2:0 во последнито натпревар од 40. коло во Сегунда и на две рунди пред крајот создаде недостижни седум бода предност пред Спортинг од Хихон, кој е на третото место.

Усека ќе биде тимот со најмал стадион во историјата на Примера. „Ел Алкорас“ има капацитет од само 5.500 илјади гледачи. Досега прв на оваа листа беше Еибар со „Мунисипал“ кој собира 7.000 посетители.

Во следните две рунди од Сегунда шанси за прволигашки пласман има Рајо Ваљекано, додека за место во плејофот ќе се борат Спортинг Хихон, Сарагоса, Ваљадолид и Кадиз, Нумансија, Овиедо и Осасуна.

Од Приемра испаднаа Ла Коруња, Лас Палмас и Малага. 

Емери наследник на Венгер во Арсенал

Унаи Емери ќе биде новиот менаџер на Арсенал, пренесе Би-Би-Си, наведувајќи дека разговорите на раководството на премиерлигашот со младиот шпански тренер Микел Артета не завршила позитивно.

Се очекува денеска или утре и официјално Арсенал да го промовира досегашниот тренер на ПСЖ.

46-годишниот Емери претходно работеше во Лорка, Алмерија, Валенсија, Спартак Москва и Севиља со која има три трофеи во Лига Европа. 

притисни ентер