Митков: Украина е првиот најважен противник

Ракометарите на Македонија во некомплетен состав ги почнаа подготовките за двата последни дуела од квалификациите за Европското првенство во Хрватска 2018.

 Селекторот Раул Гонзалез истакна дека овие денови ќе ги искористи за воигрување, а со А репрезентацијата тренираат и неколку младински репрезентативци. За отсуството на дел од играчите поради клупските обврски напомена дека тие нема да имаат проблем да се вклопат откако во понеделник ќе се приклучат на тимот.

- Сите во групата имаме по четири бодови. Добро е што имаме неколку дневни подготовки и важно е да одиме натпревар по натпревар. Првиот најтежок ривал сега ни е Украина, потоа ќе мислиме на Чешка со која играме на домашен терен. Со Украина на гости ќе биде тешко дека веќе постигнаа две победи пред своите навивачи (Исланд и Чешка). Ако направиме позитивен резултат ќе имаме големи шанси да освоиме едно од првите две места. Затоа е важен дуелот со Украина, а потоа пред полна сала во Скопје да постигнеме позитивен резултат и да се пласираме на ЕП во Хрватска, изјави Влатко Митков.

Дуелот Украина – Македонија е од 5.коло од групата 4 и се игра на 15 јуни во Суми, а ден порано играат Чешка и Исланд.

Во групата сите селекции имаат по 4 бодови и во моментов прва е Чешка со најдобра гол разлика (+10), Македонија е втора со (+3), Исланд е на третото место  (-5), а Украина е последна со (-8).    

Буфон: Ќе ми треба една седмица да донесам конечна одлука

Џанлуиџи Буфон се уште не донел конечна одлука дали и каде ќе ја продолжи кариерата и ги демантира шпекулациите кои се појавија во светските медиуми дека веќе се договорил со Пари Сен Жермен.

Францускиот шампион му упати покана на Буфон кариерата да ја продолжи во француската престолнина.

Буфон се повлече од Јувентус по 17 години поминати во торинскиот гигант. Тој во саботата за последен пат играше натпревар за „старата дама“.

- Ќе ми треба барем една недела, за да се смирам и да дојдам на себе по заминувањето на Јувентус. Има 40 години, минато ми е времето да носам спонтани и избрзани решенија. Треба внимателно да анализирам ситуацијата, бидејќи изборот не е лесен, изјави Буфон за „Скај Спорт“. 

Усека прв пат во историјата ќе игра во Примера

За првпат во клупската историјата, екипата на Усека ќе игра во најсилната шпанска фудбалска лига. 

Уеска ја победи Луга со 2:0 во последнито натпревар од 40. коло во Сегунда и на две рунди пред крајот создаде недостижни седум бода предност пред Спортинг од Хихон, кој е на третото место.

Усека ќе биде тимот со најмал стадион во историјата на Примера. „Ел Алкорас“ има капацитет од само 5.500 илјади гледачи. Досега прв на оваа листа беше Еибар со „Мунисипал“ кој собира 7.000 посетители.

Во следните две рунди од Сегунда шанси за прволигашки пласман има Рајо Ваљекано, додека за место во плејофот ќе се борат Спортинг Хихон, Сарагоса, Ваљадолид и Кадиз, Нумансија, Овиедо и Осасуна.

Од Приемра испаднаа Ла Коруња, Лас Палмас и Малага. 

Емери наследник на Венгер во Арсенал

Унаи Емери ќе биде новиот менаџер на Арсенал, пренесе Би-Би-Си, наведувајќи дека разговорите на раководството на премиерлигашот со младиот шпански тренер Микел Артета не завршила позитивно.

Се очекува денеска или утре и официјално Арсенал да го промовира досегашниот тренер на ПСЖ.

46-годишниот Емери претходно работеше во Лорка, Алмерија, Валенсија, Спартак Москва и Севиља со која има три трофеи во Лига Европа. 

притисни ентер