Фудбал

Комплетирано претпоследното коло во Серија А

Со натпреварот Пескара – Палермо кој заврши со победа на Пескара од 2-0, синоќа се комплетира е 37. претпоследно коло во италијанската Серија А.

Последната рунда која ќе се игра претстојниот викенд (27-28 мај) треба да разреши две дилеми. Првата е дали Рома или Наполи ќе го освои второто место, а со тоа ќе обезбеди директен пласман во Лигата на шампионите следната сезона, а втората е. Која екипа покрај Палермо и Пескара ќе ја напушти Серија А.

Екипата на Емполи има само еден бод повеќе од Кротоне кој е на 18.место на табелата.

На претходно одиграните натпревари од ова коло беа постигнати следниве резултати:

Наполи – Фиорентина 4-1,
Киево – Рома 3-5,
Јувентус – Кратоне 3-0,
Милан – Болоња 3-0,
Удинезе – Сампдорија 1-1,
Сасуоло – Каљари 6-2,
Џенова – Торино 2-1,
Емполи – Аталанта 0-1 и
Лацио – Интер 1-3.

Табела: Јувентус 88 бода, Рома 84, Наполи 83, Лацио 70, Аталанта 69, Милан 63,...... Емполи 32, Кротоне 31, Палермо 23 и Пескара 17. /МИА

Шоу биз

Синовите на Џон Ленон и Пол Макартни снимија песна

Синовите на некогашните членови на поп-рок составот „Битлс“ - Џон Ленон и Пол Мекартни, објавија заедничка песна за познатиот парк „Примроус Хил“ во Лондон.

Џејмс Мекартни (46) и Шон Оно-Ленон (48) заеднички ја напишаа баладата „Primrose Hill“, пренесува лондонски „Телеграф“.

„Многу сум среќен што можам да ја споделам мојата најнова песна што ја напишав со мојот добар пријател Шон Оно-Ленон. Со објавувањето на оваа песна се чувствуваме како да се движиме сите заедно. Возбуден сум што ќе продолжам да споделувам музика со вас“, напиша Мекартни на Инстаграм.

Познатиот парк бил отворен во првата половина на 19. век на ритче во центарот на Лондон, а таму денес се наоѓа куќата на сер Пол Мекартни.

Фудбал

Пиоли пред реваншот со Рома: Ова е одлучувачки момент за европските амбиции на Милан

 Тренерот на Милан, Стефано Пиоли, ги искажа своите очекувања за вечерашниот натпревар со Рома.

Во првиот натпревар од четвртфиналето на Лига Европа, Милан загуби на домашен терен од Римјаните со резултат 0:1.

- Одам на овој натпревар со самодоверба бидејќи знам за што се способни моите играчи. Сигурен сум дека знаат што да прават на вакви важни натпревари. Мора да подобриме некои ситници во однос на првиот натпревар. Ова е одлучувачки момент за нашите европски амбиции. Мора да ги покажеме нашите најдобри квалитети на теренот и да ја исцедиме секоја последна капка пот, изјави тренерот на Милан.

Натпреварот на „Олимпико“ во Рим ќе почне во 21 часот.

Македонија

За брзо возење казни за 140 возачи на територија на цела Македонија

Во спроведената акциска контрола на територијата на Република Македонија за санкционирање на возила кои се движат со брзина поголема од дозволената, во текот на цчерашниот ден биле казнети 140 возачи.

Како што соопштија од МВР, од нив четири возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 86 возила ја пречекориле брзината во населено место, а 54 надвор од населено место.

Сообраќајните контроли продолжуваат и во наредните денови.

притисни ентер