Второ злато за Хиршер на Светското првенство во Сент Мориц

Австрискиот скијач Марсел Хиршер го освои вториот златен медал на Светското првенство во алпски дисциплини што денеска заврши во швајцарскиот ски центар Сент Мориц. Тој победи на денешната слаломска трка, а претходно беше најдобар и во велеслаломот, а сребро освои во комбинација. Воедно тој е најуспешниот натпреварувач на шампионатот.


Хиршер на двете слаломски трки имаше вкупно време од 1:34.75 минута. Изненадување направи неговиот сонародник Мануел Фелер, кој го освои второто место и сребрениот медал, а по првата трка беше на седмото место. Бронзата му припадна на Германецот Феликс Нојројтер.

На стартот денеска се појави и македонскиот скијач Антонио Ристевски, но остана без пласман откако не ја заврши првата трка.
Австрија со вкупно 9 медали е најуспешната нација (3 златни – 4 сребрени – 2 бронзи). Швајцарија освои 7 (3-2-2), а Франција 2 (2-0-0).

Следното Светско првенство ќе се одржи 2019 година во шведскиот ски ценатр Оре.  

Револуција во навивањето – во Базел подигната првата 3Д кореографија (ВИДЕО)

Викендов екипата на Базел на свој терен го дочека Цирих во дербито на 17 коло на швајцарското првенство и победи со 2: 0.

Но , натпреварот падна во сенка на неверојатната кореографија на навивачите на Базел , досега невидена во светот. Домашните навивачи на својата главна трибина подигнаа двојна 3Д кореографија .

Така навивачите можеа преку очила за 3Д можеа да гледаат во сината , односно во црвената кореографија на трибините и на теренот.

Мурињо ја бара ѕвездата на Наполи по цена од речиси 100 милиони евра

Манчестер Јунајтед би требало да плати 90 милиони фунти , односно нешто под 100 милиони евра ако сака од Наполи да ја донесе ѕвездата Калиду Кулибалви.

Според британски Тајмс, кој тврди дека ѕвездата на Наполи е главниот фаворит на тренерот Жозе Мурињо во зимскиот преоден период , на тој начин треба да се засили одбраната на Јунајтед. Во летниот период клубот не успеа да донесе ниеден одбрамбен играч иако се споменуваа Жером Ботенг, Хари Мекгвајер и Диего Годин.

,, Сопственикот на Наполи, Аурелиот де Лаурентис смета дека Кулибалви е централна фигура на тимот , која се наоѓа на второ место на Серијата А . Де Лаурентис би можел да се предомисли доколку Наполи по некој случај не го осигура влезот во Лигата на прваци , иако клубот не е под голем финансиски притисок.” , пишува Тајмс.

Одбраната на Јунајтед во Премиершип до сега прими 26 гола , што ја рангира како четврта најлоша одбрана во лигата. Јунајтед е на шесто место со 26 бода , дури 16 помалку од водечкиот Ливерпул.

Невидено хулиганство : Им фрлиле бомба на противниците (ВИДЕО)

Навивачите на грчките клубови Панатенаикос и Олимпијакос се познати по нетрпеливоста и вандалското однесување, но сега ги преминаа границите.

Омразата меѓу навивачите на двата најголеми грчки тима трае веќе со децении и познати се нападите со ножеви, факели , масовните тепачки на терените.Пред неколку дена во Атина се случи еден од најтешките инциденти во долгата историја на насилство и омраза меѓу двата тима.

Навивачите на Панатенаикос упаднаа во просториите на навивачите на Олимпијакос и најпрвин почнаа со палки да тепаат се околу себе. Потоа се случи нешто невидено – фрлија вистинска бомба.

Експлозијата го уништи клубот , неколку лица се повредени , а само со голема среќа никој не е смртно повреден. Видеото од овој неверојатен вандалски чин се појави денеска на социјалните мрежи.  

притисни ентер