Јунајтед, Шалке и Рома со голем исчекор кон осминафиналето од Лига Европа

Во фудбалската Лига Европа синоќа заврши првата рунда од шеснаесетфиналните пресметки во кои фаворитите Манчестер Јунајтед, Шалке и Рома обезбедија голема предност и со едната нога се во следната фаза.
Нешто порано во текот на денот високи победа остварија Олимпик Лион и Ростов.

Резултати од првите средби во 1/16финалето од второто по квалитет клупско европско натпреварување:

Краснодар – Фенербахче 1:0,
Олимпијакос – Османлиспор 0:0,
Лудогорец – Копенхаген 1:2,
Гент – Тотенхем 1:0,
Ростов – Спарта Прага 4:0,
Селта Виго – Шахтјор Донецк 0:1,
Борусија Менхенгладбах – Фиорентина 0:1,
АЗ Алкмар – Олимпик Лион 1:4,
Астра – Генк 2:2,
Виљареал – Рома 0:4,
ПAOK – Шалке 0:3,
Манчестер Јунајтед – Сент Етиен 3:0,
Легија – Ајакс 0:0,
Хапоел Бир Шева – Бешикташ 1:3,
Атлетик Билбао – АПОЕЛ 3:2 и
Андерлехт – Зенит Ст. Петерсбург 2:0.

Реванш дуелите на програмата се на 22 и 23 февруари. /МИА

Лопетеги останува селектор на Шпанија до 2020 година

Хулен Лопетеги уште две години ќе остане на селекторското место во Шпанија, соопшти тамошниот фудбалски сојуз.

Поранешниот голман на „црвената фурија“ ќе продолжи да работи до следното Европско првенство.

- Ние напорно работиме две години. Сега ја продолжуваме истата приказна, изјави Лопетеги.

Пред да ја преземе селекторската функција, работел како тренер во Порто, Реал и Рајо Ваљекано, а беше и предводник на младите шпански селекции до 19, 20 и 21 година.

за Порта, но исто така и како младински селектор, младински избор на Шпанија (У19, У20, У21), другиот тим на Реал Мадрид и Рајо Валекано.

Во пресрет на Мундијалот во Русија, селекторскиот договор го продолжија и селекторите на Германија Јоаким Лев и на Белгија, Роберт Мартинез.

Ловрен: Подготвен сум да го сопрам Роналдо

 Дефанзивецот на Ливерпул Дејан Ловрен изјави дека е подготвен да го чува најдобриот играчи во светот, Кристијано Роналдо и да придонесе за победата на својот тим над Реал Мадрид во финалето на Лигата на шампионите во Киев.

Хрватскиот стопер често беше критикуван за пропусти, но со голема доза на доверба го чека мечот со Реал.

- Иако имаше лоша сезона во Примера, Роналдо постигна 30 голови, го почитуваат и е еден од најдобрите светски напаѓачи. Пред мене е предизвик, ама јас сум подготвен да го запрам, изјави Ловрен за британските новинари.

Ливерпул оваа сезона во Лигата на шампионите прими 13 гола, додека Роналдо постигна 15, погодуваше речиси на секој меч, освен на последниот против Баерн Минхен.

Финалето Реал Мадрид - Ливерпул ќе се игра в сабота (26 мај) на Олимпискиот стадион во Киев. 

Вест Хем го промовира Пелегрини

Мануел Пелегрини од денеска и официјално е нов менаџер на премиерлигашот Вест Хем.

Чилеанецот и клубот од Лондон постигнаа договор за тригодишна соработка.

Сите детали биле договорени вчеравечер, по што двете страни го потпишале договорот, објавија англиските медиуми.

Пелегрини на клупата на Вест Хем ќе го наследи Дејвид Мојс кој си замина по само шест месеци, откако клубот сезоната ја заврши на 13. место.

Претходните две години чилеанскиот фудбалски стручњак го предводеше кинески Хебеј. Во Премиер лигата пред четири години со Манчестер Сити го освои шампионскиот трофеј.

притисни ентер