Ерни сензационален победник во комбинација на СП во Швајцарија

Ерни Лука им донесе голема радост на швајцарските навивачи по денешната победа во дисциплината комбинација на Светското првенство во Сент Мориц.

Ерни кој досега никогаш не освоил место на подиумот во Светскиот куп, спустот и слаломот ги извози со вкупно време 2:26.33 минути, и за само 0.01 секунда беше побрз од големиот фаворит Марсел Хиршер од Австрија кој мораше да се задоволи со сребрениот медал.

Уште еден Швајцарец се најде на подиумот. Мауро Кависел со заостанување од шест стоти делови од секундата на крајот заврши на третото место и го освои бронзениот медал.

Швајцарците се најуспешна нација во досегашниот тек од шампионатот. Досегашни освојувачи на медали:

1. Швајцарија 6 (3 златни+1 сребрен+2 бронзени);
2. Австрија 5 (1+2+2);
3. Канада 3 (1+1+1);
4. Словенија 1 (1+0+0);
5. Лихтенштајн 1 (0+1+0);
5. Норвешка 1 (0+1+0);
7. Сад 1 (0+0+1). 

Радост по трагедијата : Боде Милер доби близнаци

Познатиот скијач Боде Милер и неговата сопруга Морган денеска објавија дека станале родители на синови близнаци.

Морган објави фотографии од нејзините синови и напиша трогателен пост.

"Осмиот ноември. Ден што не можеше да биде посовршен за донесување на овие двајца во свет. Приказната за нивното раѓање е неверојатна и не можам да дочекам да ја споделам. Јас сум неверојатно благодарна за сите овие подароци што ми ги праќа моето девојче", напиша таа со фотографијата која што за  помалку од еден час доби скоро 14 илјади лајкови.

Девојчето што Морган го спомнува е нивната трагично почината ќерка, Емелин Гриер, која се удави во базенот во нивниот дом во Калифорнија минатата година на само 19 месечна возраст.

Втора победа на ШК АЛКАЛОИД на Европскиот Клупски Куп 2019

Во второто коло на Европскиот Клупски Куп во шах, АЛКАЛОИД извојува нова победа над екипата “Raika Rapid Feffernitz” од Австрија.

Текот на мечот покажа дека нема лесни противници, па така по три часа игра резултатот во мечот беше нерешен, со три реми на прва, втора и четврта табла: кај Андреикин, Шанкланд и Криворучко. Највозбудлива партија беше на Андреикин, каде што велемајсторот од АЛКАЛОИД жртвуваше фигура за напад, а противникот успеа да ги најде единствените потези и партијата заврши реми со вечен шах. Потоа, со сигурна игра и победа Владислав Ковалев донесе водство за АЛКАЛОИД. Следеа цели поени за Панчевски и Инаркиев до конечни 4,5 : 1,5 во мечот.

По одиграни две кола, 16 екипи (од вкупно 66 клуба кои учествуваат) имаат максимални 4 бода.  

Во третото коло,  ШК Алкалоид за противник ја има екипата “Mednyi Vsadnik” од Санкт Петербург, Русија – минатогодишниот шампион. Мечот секако ќе биде дерби на колото, и еден од најважните мечеви за АЛКАЛОИД на целиот турнир.

Млади фудбалери од повеќе од 40 националности се натпреваруваа на меѓународен турнир во Скопје

Меѓународен фудбалски турнир на кој учествуваа младинци од нашата земја како и од Полска, Австрија, Русија и Унгарија се одржа од седми до деветти ноември на теренот на академијата „Вардар" во Градскиот парк во Скопје.

Домаќин на овој интернационален настан беше меѓународното училиште „Нова", а тимот составен од средношколци од оваа образовна институција се пласираа на второто место. Натпреварите се дел од спортските активности кои се организираат во рамки на Асоцијацијата на училишта од Централна и Источна Европа (CEESA) чиј член е и „Нова". Покрај редовните турнири во фудбал, се одржуваат и натпревари по кошарка, крос кантри, трчање, одбојка, пливање, тенис и софтбол.

„Нова" со свои тимови учествува на овие фудбалските турнири за средношколци од октомври 2009 година и за овие десет години има освоено шест први и две трети места.

- За време на оддржување на овие турнири најчесто имаме ученици од повеќе од 40 националности со оглед дека учествуваат меѓународни образовни институции. Досегашното искуство е дека учениците кои како гости се задоволни од начинот на кој ги организираме овие турнири. Воодушевени се од гостопримството на нашите семејства кои ги отвораат своите домови за да ги сместат гостите за неколку ноќи и ја ценат дадената можност да го запознаат Скопје и да се дружат со своите врсници од „Нова". Токму комбинацијата од запознавање на нова култура, дружење со свои врсници од друго училиште и играњето на омилениот спорт е нешто што создава сеќавања кои долго траат – објаснува Александар Ристовски, координатор на спортската програма во „Нова".

Училиштата кои учествуваат на овие CEESA турнири се едни од најреномираните во Европа по повеќе параметри.

- Имаат импресивни училишни кампуси кои дозволуваат да се одвива едукативен процес соодветен за 21-виот век, со буџети на кои би позавиделе некои од нашите поголеми македонски компании. Дополнително ги имаат имплементирано најдобрите едукативни програми, исто како и „Нова", и регруритаат квалитетен кадар од целиот свет, којшто има долгогодишно искуство во меѓународното образование – објаснува Ристовски.

Тој посочува дека во „Нова" постои значителен интерес за програмата за фудбал која не е резервирана само за момчињата и секоја година повеќе од 30 средношколци (машки и девојчиња) се регистрираат како членови на фудбалските тимови. Тие тренираат заeдно вo текот на сезоната (од почеток на септември до средина на ноември) и на крајот на сезоната учествуваат на вакви меѓународни турнири.

притисни ентер