Одложен почетокот на Светското првенство во скијање

Почетокот на 44-то Светското првенство во алпско скијање чиј домаќин од денеска па се до 19 февруари ќе биде швајцарски ски-центар Сент Мориц е одложен.

Лошите временски услови, обилните врнежи на снег проследени со силен ветар се причината поради која стартот на скијачкиот Мундијал во Сент Мориц е одложен.
Иако организаторот во текот на целата ноќ, но и претпладнево се обидуваше да ги оспособи патеките, сепак временските услови тоа не го дозволија, па предвидените први тренинзи на скијачите во машка и женска конкуренција пријавени за спуст трките се одложени.
На Шампионатот во Сент Мориц ќе настапат 589 скијачи (360 мажи и 229 жени) од 76 земји во светот, меѓу нив и седуммина Македонци: Лидија Симјановска, Антонио Ристевски, Лука Божиновски, Дардан Дехари, Воислав Синадиновски, Марјан Нашоку и Виктор Петров, предводени од селекторот Иван Лссески и неговиот асистент Никола Панчевски.
Сите македонски скијачи ќе учествуваат во квалификациските трки, во велеслалом и во слалом кои според програмата се од 16 до 19 февруари.
Првиот сет медали треба да биде доделен утре по трката во супер-велеслалом во женска конкуренција, нормално, доколку временските услови го дозвлат тоа. 

СП 2018: Кејн во финишот и донесе победа на Англија против Тунис

 Англија со гол во судиското надополнување го совлада Тунис со 2:1 во вториот натпревар од групата Г на Светското првенство во Русија.

Англичаните во првиот дел ја оправдаа фаворитската улога и доминираа на теренот, при тоа имаа неколку сериозни шанси за погодок.

Англија со голот на Хари Кејн во 18-та минута поведе со 1:0. Меѓутоа, Тунис иако потешко доаѓаше до контрола на топката успеа во 35 минута со гол од пенал, кој успешно го реализираше Ферјани Саси, да израмни на 1:1.

Англиската репрезентација и во вториот дел продолжи со притисокот врз голот на Тунис, но изостануваше реализација се до 91-та минута кога Кејн повторно беше прецизен и донесе победа од 2:1.

Во првиот натпревар од оваа група Белгија убедливо ја совлада Панама со 3:0. 

СП 2018: Белгија убедливо ја совлада Панама

Белгија убедливо ја совлада Панама со 3:0 во првиот натпревар од групата Г на Светското првенство во Русија.

Белгиската репрезентација доминираше на теренот во текот на целиот натпревар и без поголеми проблеми дојде до победа.

Првиот гол во 47 минута го постигна Дрис Мертенс, а потоа Ромелу Лукаку прво во 68 минута зголеми на 2:0, а седум минути подоцна беше прецизен за конечни 3:0.

Во вториот натпревар од оваа група во Волгоград ќе се соочат Англија и Тунис. /МИА

СП 2018: Јеро: Имаме целосна доверба во Де Геа

Селекторот на шпанската репрезентација Фернандо Јеро изјави дека голманот Давид де Геа е смирен и сталожен по натпреварот со Португалија, во кој направи неколку грешки и прими три гола од португалскиот фудбалер Кристијано Роналдо.

Соседското дерби меѓу Шпанија и Португалија заврши со реми 3:3.

- Забележав дека Давид е смирен и сталожен. Во него сите имаме целосна доверба. Тимот имаше еден слободен ден и морам да кажам дека играчите се поопуштени, истакна Јеро.

Шпанија следниот натпревар го игра на 20 јуни против Иран. /МИА

притисни ентер