Тотенхем ја прекина победничката серија на Челзи

Екипата на Тотенхем синоќа на домашен терен го совлада Челзи со 2:0 и ја прекина серијата на „сините“ од 13 победи во низа.
Челзи не успеа да стане апсолутен рекордер по бројот на врзани победи, бидејќи таково достигнување има и Арсенал во 2004 година.

Јунак во победата на Тотенхем беше двојниот стрелец Деле Али кој погоди во судиското надополнување од првото полувреме и во 54.минута.

И покрај поразот, Челзи остана на лидерската позиција со „комотна“ предност пред конкурентите.

Резултати на другите натпревари од 20.коло во Премиер лигата одиграни претходно:

Борнмут – Арсенал 3:3,
Кристал Палас – Свонси 1:1,
Стоук – Вотфорд 2:0,
Вест Хем – Манчестер Јунајтед 0:2,
Евертон – Саутемптон 3:0,
Манчестер Сити – Барнли 2:1,
Сндерленд – Ливерпул 2:2,
ВБА – Хал 3:1,
Мидлзброу – Лестер 0:0.

Табела: Челзи 49 бодови, Ливерпул 44, Тотенхем 42, Манчестер Сити 42, Арсенал 41, Манчестер Јунајтед 39, Евертон 30,.../МИА

Лопетеги останува селектор на Шпанија до 2020 година

Хулен Лопетеги уште две години ќе остане на селекторското место во Шпанија, соопшти тамошниот фудбалски сојуз.

Поранешниот голман на „црвената фурија“ ќе продолжи да работи до следното Европско првенство.

- Ние напорно работиме две години. Сега ја продолжуваме истата приказна, изјави Лопетеги.

Пред да ја преземе селекторската функција, работел како тренер во Порто, Реал и Рајо Ваљекано, а беше и предводник на младите шпански селекции до 19, 20 и 21 година.

за Порта, но исто така и како младински селектор, младински избор на Шпанија (У19, У20, У21), другиот тим на Реал Мадрид и Рајо Валекано.

Во пресрет на Мундијалот во Русија, селекторскиот договор го продолжија и селекторите на Германија Јоаким Лев и на Белгија, Роберт Мартинез.

Ловрен: Подготвен сум да го сопрам Роналдо

 Дефанзивецот на Ливерпул Дејан Ловрен изјави дека е подготвен да го чува најдобриот играчи во светот, Кристијано Роналдо и да придонесе за победата на својот тим над Реал Мадрид во финалето на Лигата на шампионите во Киев.

Хрватскиот стопер често беше критикуван за пропусти, но со голема доза на доверба го чека мечот со Реал.

- Иако имаше лоша сезона во Примера, Роналдо постигна 30 голови, го почитуваат и е еден од најдобрите светски напаѓачи. Пред мене е предизвик, ама јас сум подготвен да го запрам, изјави Ловрен за британските новинари.

Ливерпул оваа сезона во Лигата на шампионите прими 13 гола, додека Роналдо постигна 15, погодуваше речиси на секој меч, освен на последниот против Баерн Минхен.

Финалето Реал Мадрид - Ливерпул ќе се игра в сабота (26 мај) на Олимпискиот стадион во Киев. 

Вест Хем го промовира Пелегрини

Мануел Пелегрини од денеска и официјално е нов менаџер на премиерлигашот Вест Хем.

Чилеанецот и клубот од Лондон постигнаа договор за тригодишна соработка.

Сите детали биле договорени вчеравечер, по што двете страни го потпишале договорот, објавија англиските медиуми.

Пелегрини на клупата на Вест Хем ќе го наследи Дејвид Мојс кој си замина по само шест месеци, откако клубот сезоната ја заврши на 13. место.

Претходните две години чилеанскиот фудбалски стручњак го предводеше кинески Хебеј. Во Премиер лигата пред четири години со Манчестер Сити го освои шампионскиот трофеј.

притисни ентер