Карпош Соколи домаќин на Морнар

Македонскиот претставник во кошаркарската АБА лига, тимот на Карпош Соколи вечерва ќе го одигра својот натпревар од 16.коло во регионалното натпреварување.

„Соколите“ вечерва во терминот од 21 часот во СЦ „Борис Трајковски“ го пречекуваат црногорскиот тим Морнар.

Ова е еден од трите натпревари кои се играат денеска. Во првиот во Подгорица, Будуќност ја пречекува екипата на Мега Лекс, додека во Загреб, Цибона е домаќин на Партизан.

По овие средби ќе следува два дена пауза на новогодишните празници по што веќе во вторник (2 јануари 2017) ќе се играат нови три средби.
Македонскиот шампион МЗТ Скопје Аеродром во СЦ „Јане Сандански“ ќе игра против хрватскиот првак Цедевита, додека во другите два меча ќе играат, Партизан - Задар и Олимпија – Игокеа.

Колото ќе биде комплетирано во вторник (3 јануари) со натпреварот меѓу ФМП и Крка.

Табела: Црвена Звезда 15-0 (победи-порази), Партизан 12-3, Цедевита 10-5, Будуќност 10-5, Цибона 10-5, Игокеа 8-7, Олимпија 7-8, Задар 6-9, Морнар 5-10. Крка 5-10, Мега Лекс 5-10, ФМП 4-11, Карпош Соколи 4-11, МЗТ Скопје 4-11,

Атлетико Мадрид негира дека добива понуди за Облак

Атлетико Мадрид досега не добил ниту една понуда за голманот Јан Облак, соопшти претседателот на клубот Енрике Сересо.

Во шпанските медиуми пред извесно време се појавија гласини дека словенечкиот голман летово ќе го напушти Атлетико, бидејќи добива голем број понуди од клубови кои се заинтересирани да ја платат неговата откупна клаузула од 100 милиони евра.

- Никој досега не ни испрати понуда за Облак. Уверени сме дека тој ќе биде значаен дел од нашиот тим во следниот период, истакна Сересо.

Облак во Атлетико дојде во 2014 година, а договорот му важи до 2021 година.

Васоски: Доволно сме квалитетни за да одиме понатаму

Вардар мора да победи против Пјуник во утрешниот реванш натпревар од првото коло, ако сака да продолжи во квалификациите за Лига Европа.

Македонскиот клуб имаа негатива од еден гол (1:0) по натпреварот одигран во Ереван.

Раководството на Вардар по натпреварот во Ерменија одлучи да го отпушти тренерот Бобан Бабунски, а на негово место го постави досегашниот помошник Александар Васоски.

- Имаме незгоден резултат по првиот натпревар, но убеден сум дека можеме да ја анулираме оваа негатива. Тоа што треба да го смениме од првиот натпревар е пристапот. Сега имаме 90 минути во кои нема да се залетаме од прва секунда во напад. Ќе мора да играме балансирано, да напаѓаме, но и да внимаваме на својот гол, затоа што на примен гол, ќе треба да дадеме три. Доволно сме квалитетни за да одиме понатака, истакна Васоски.

Тој не сакаше да ја коментира смената на неговиот претходник Бабунски. Натпреварот меѓу Вардар и Пјуник се игра утре од 19 часот во Скопје. 

Наполи нуди 45 милиони евра за Бензема

Екипата на Наполи подготвува понуда од 45 милиони евра за напаѓачот на Реал Мадрид, Карим Бензема, објави „Кориере дело Спорт“.

Францускиот напаѓач е еден од главните трансфер цели на напаѓачот на Наполи, Карло Анчелоти.

Триесет годишниот напаѓач има договор со Реал Мадрид до летото 2021 година.

Во последната сезона тој постигна 12 гола и направи 11 асистенции во 47 натпревари за „кралевите“.

Веројатно новиот тренер на Реал Мадрид, Хулен Лопеги, нема ништо против продажбата на Бензема и привлекување на нов централен напаѓач. 

притисни ентер