Карпош Соколи домаќин на Морнар

Македонскиот претставник во кошаркарската АБА лига, тимот на Карпош Соколи вечерва ќе го одигра својот натпревар од 16.коло во регионалното натпреварување.

„Соколите“ вечерва во терминот од 21 часот во СЦ „Борис Трајковски“ го пречекуваат црногорскиот тим Морнар.

Ова е еден од трите натпревари кои се играат денеска. Во првиот во Подгорица, Будуќност ја пречекува екипата на Мега Лекс, додека во Загреб, Цибона е домаќин на Партизан.

По овие средби ќе следува два дена пауза на новогодишните празници по што веќе во вторник (2 јануари 2017) ќе се играат нови три средби.
Македонскиот шампион МЗТ Скопје Аеродром во СЦ „Јане Сандански“ ќе игра против хрватскиот првак Цедевита, додека во другите два меча ќе играат, Партизан - Задар и Олимпија – Игокеа.

Колото ќе биде комплетирано во вторник (3 јануари) со натпреварот меѓу ФМП и Крка.

Табела: Црвена Звезда 15-0 (победи-порази), Партизан 12-3, Цедевита 10-5, Будуќност 10-5, Цибона 10-5, Игокеа 8-7, Олимпија 7-8, Задар 6-9, Морнар 5-10. Крка 5-10, Мега Лекс 5-10, ФМП 4-11, Карпош Соколи 4-11, МЗТ Скопје 4-11,

Пепе од својот џеб им поделил плата на готвачите и си заминал од Бешикташ

Искусниот португалски фудбалер Пепе ја прекина соработката со турскиот гигант Бешикташ поради финансиските проблеми кој ги има клубот од Истанбул.

Иако во јавноста за него се вели дека е „валкан фудбалер“ Пепе пред да си замине од Турција покажа дека сепак е голем човек.

Поранешниот дефанзивец на Реал Мадрид пред заминувањето на сите вработени во клубот од Истанбул, како што се готвачите, луѓето задолжени за одржување на теренот, економот ... им поделил плата од својот џеб.

Според шпанска „Марка“ Бешикташ веќе не бил во можност да плаќа големи договори поради што и Пепе го напуштил клубот.

Мохамед Салах и годинава Најдобар фудбалер на Африка

Напаѓачот на англискиот премиерлигашЛиверпул Мохамед Салах втора година по ред ја освои наградата во анкетата на „BBC“ за најдобар фудбалер на Африка.

Египетскиот репрезентативец собра најголем број на гласови и беше подобар од  соиграч во Ливерпул, Сенегалецот Садио Мане, како и од Мехди Бенатиа (Јувентус / Мароко) Калиду Кулибали (Сенегал /Наполи) и Томас Парти (Атлетико Мадрид / Гана).

Минатата сезона Мохамед Салах постигна 44 гола за Ливерпул во сите натпреварувања и стигна со Ливерпул до финалето во Лигата на Шампионите. Потоа учествуваше со „фараоните” на Светското првенство во Русија, а од почетокот на оваа сезона има 13 погодоци за „црвените” во сите натпреварувања.

Кличко сака да се врати во рингот: Ќе победам секого во тешка категорија

Поранешниот светски првак во бокс во тешка категорија , Владимир Кличко , размислува да се врати во рингот , откако во април минатата година стави крај на кариерата.

Украинскиот боксер , кој успешно ја бранеше титулата цели десет години , се прости од рингот по поразот со технички нокаут од Ентони Џошуа , кој исто така се пензионира. Кличко на Џошуа му патил порака во која напишал.

,, Сакам да се вратам. Се чувствувам дека можам да го победам секого кој се бори во тешка категорија.” 42 – годишниот Кличко до сега имал неколку повици да се врати во рингот , но ги одбивал.

За неговата желба за враќање се уште нема официјална потврда.

притисни ентер