Стартува новогодишната турнеја „Четири скокалници“

Со денешните натпревари во германски ски-центар Оберсдорф почнуваат натпреварите на 65-тото издание на новогодишна турнеја „Четири скокалници“.
Традиционално скокачите ќе бидат собрани на оваа турнеа која по Олимпијадата е најпрестижното натпреварување во ски-скоковите.

Титулата од лани ја брани Словенецот Петер Превц, со што ја прекина доминацијата на Австријците, кои претходно победуваа седум години по ред.
Сепак неговиот помлад брат 17-годишниот Домен Превц е еден од главните фаворитите за триумф годинава, имајќи ја предвид неговата форма во која настапува сезонава во Светскиот куп. Доколку се случи Домен да триумфира тоа би било првпат во историјата на „Четирите скокалници“ браќа да победат две сезони по ред.

По Оберсдорф, на 1 јануари традиционално се натпреварите на скокалницата во Гармиш-Партенкирхен, по што следуваат настапите во австриските ски-центри Инсбрук (4 јануари) и Бишофсхофен (6 јануари).

Инаку, во историјата на „Четирите скокалници“ само еден скијач-скокач, Германецот Свен Ханавалд успеал да победи на сите четири скокалници, од 29 декември 2001 година до 6 јануари 2002 година. 

Лопетеги останува селектор на Шпанија до 2020 година

Хулен Лопетеги уште две години ќе остане на селекторското место во Шпанија, соопшти тамошниот фудбалски сојуз.

Поранешниот голман на „црвената фурија“ ќе продолжи да работи до следното Европско првенство.

- Ние напорно работиме две години. Сега ја продолжуваме истата приказна, изјави Лопетеги.

Пред да ја преземе селекторската функција, работел како тренер во Порто, Реал и Рајо Ваљекано, а беше и предводник на младите шпански селекции до 19, 20 и 21 година.

за Порта, но исто така и како младински селектор, младински избор на Шпанија (У19, У20, У21), другиот тим на Реал Мадрид и Рајо Валекано.

Во пресрет на Мундијалот во Русија, селекторскиот договор го продолжија и селекторите на Германија Јоаким Лев и на Белгија, Роберт Мартинез.

Ловрен: Подготвен сум да го сопрам Роналдо

 Дефанзивецот на Ливерпул Дејан Ловрен изјави дека е подготвен да го чува најдобриот играчи во светот, Кристијано Роналдо и да придонесе за победата на својот тим над Реал Мадрид во финалето на Лигата на шампионите во Киев.

Хрватскиот стопер често беше критикуван за пропусти, но со голема доза на доверба го чека мечот со Реал.

- Иако имаше лоша сезона во Примера, Роналдо постигна 30 голови, го почитуваат и е еден од најдобрите светски напаѓачи. Пред мене е предизвик, ама јас сум подготвен да го запрам, изјави Ловрен за британските новинари.

Ливерпул оваа сезона во Лигата на шампионите прими 13 гола, додека Роналдо постигна 15, погодуваше речиси на секој меч, освен на последниот против Баерн Минхен.

Финалето Реал Мадрид - Ливерпул ќе се игра в сабота (26 мај) на Олимпискиот стадион во Киев. 

Вест Хем го промовира Пелегрини

Мануел Пелегрини од денеска и официјално е нов менаџер на премиерлигашот Вест Хем.

Чилеанецот и клубот од Лондон постигнаа договор за тригодишна соработка.

Сите детали биле договорени вчеравечер, по што двете страни го потпишале договорот, објавија англиските медиуми.

Пелегрини на клупата на Вест Хем ќе го наследи Дејвид Мојс кој си замина по само шест месеци, откако клубот сезоната ја заврши на 13. место.

Претходните две години чилеанскиот фудбалски стручњак го предводеше кинески Хебеј. Во Премиер лигата пред четири години со Манчестер Сити го освои шампионскиот трофеј.

притисни ентер