Куманово по продолжение го совлада Работнички

Кошаркарите на Куманово по дополнителните пет минути со 86-83 го совладаа Работнички и му го нанесоа првиот пораз на тимот од „Градски парк“ во Првата македонска лига.
На средбата одиграна синоќа во Куманово, двете екипи имаа свој период на игра. Првиот и третиот ги добија гостите, додека во вториот и четвртиот подобри беа домаќините (резултат по четвртини 15:20, 22:14, 14:23 и 23:17), па во таква израмнета игра регуларниот дел заврши без победник 74-74. Во продолжението повеќе среќа и нерви имаа домаќините кои ги добија дополнителните пет минути со 12:9, па со конечни 86-83 заслужено славеа победа.

Данило Мијатовиќ со „дабл-дабл“ улинок од 28 поани и 11 скокови беше најефикасниот кошаркар на Куманово, а воедно и на натпреварот. Во редовите на Работнички, Ѓорѓи чековски постигна 19 поени, додека еден помалку (18) уфрли Ненад Мишановиќ.

На натпреварот во Кавадарци, екипата на Фени Индустри со триумфот над Кожув со 88-82, ја впишаа седмата првенствена победа во која Србинот, Матија Чешковиќ и Грузиецот, Гиорги Шарабизе постигнаа по 19 поени.

Со кошот на Американецот, Хоукинс Фил на две секунди пред крајот екипата на Пелистер пред својата публика во Битола го совлада АВ Охрид со 72-70.

Во последниот натпревар Струмица како гостин во Скопје го совлада Вардар убедливо со 93-62 и на црвено-црните им го нанесе осмиот пораз во исто толкуте одиграни натпревари.

Табела: Работнички 7-1 (победи-порази), Фени Индустри 7-1, Куманово 6-2, Кожув 4-4, Струмица 3-5, Пелистер 3-5, АВ Охрид 2-6, Вардар 0-8.

Во првенството следува пауза се до 21 јануари 2017 година, за кога се закажани натпреварите од деветото коло. /МИА

Клoп: Реал е фаворит, но ние сме ЛиверпулЛиверпул,

Во пресрет на финалниот натпревар од Лигата на шампионите со Реал Мадрид, тренерот на Ливерпул, Јирген Клоп очекува голема борба против фаворитот.

50-годишниот Германец вели дека и Ливерпул има свои адути и квалитет да го освои елитното натпреварување.

- Точно е дека тие се фаворити. Ја освоија ЛШ четири пати во последните пет години. Постојат три доминантни екипи во последните години и ние се соочуваме против една од нив. Немам проблем со оваа ситуација и не се чувствувам како аутсајдер. Ливерпул не беше фаворит и во 2005 година, па го освои трофејот. Искрено, ми се допаѓа да сме во оваа улога. Реал е тим со огромни квалитети и тргнува за трет последователен титула, но ние сме Ливерпул и ова не треба да се заборави, истакна Клоп.

Финалето од Лигата на шампионите ќе се игра на 26 мај во Киев, Украина. 

Комплетиран тренерскиот тим за кампот „Кирил Лазаров 7“

 На еден месец до стартот на четвртото издание на ракометниот камп „Кирил Лазартов 7“, најдобриот македонски ракометар Кирли Лазаров го комплетираше тимот кој ќе работи со младите таленти.

- Нашите тренери се еден од поважните фактори кои придонесува да имаме успешен и квалитетен камп. Сакаме и даваме шанса на сите квалитетни и амбициозни помлади тренери од Македонија кои сакаат да бидат дел од кампот, истовремено благодарни сме за прифаќањето на соработката од нивна страна, изјави Лазаров.

Оваа година, своето искуство на кампот ќе го пренесат тренери од различни земји: Морген Вајс некогашниот селектор на младите дански репрезентативци, Патрик Петерсен најнаградуваниот млад дански тренер кој во моментов дел од РК " Ајакс Копенхаген, Оља Кецман некогашна репрезентативка на Југославија денес врвен тренер во женскиот ракомет која ни доаѓа од Данск и македонската ракометарка Наташа Коцевска која има будселигашко искуство. 

Конте: Јас сум сериски победник

Менаџерот на Челзи, Антонио Конте по освојувањето на ФА Купот јасно стави до знаење дека сака да остане во клубот. 

Во финалниот натпревар синоќа на „Вембли“ Челзи го совлада Манчестер Јунајтед со 1:0.

- На хартија, Манчестер беше фаворит против Челзи, како и Арсенал пред тоа. Но, успеавме да победиме на сметка на напорна работа. Мојата позиција не се промени. Не сакам да слушам други предлози. Моето мислење е јасно, го почитувам договорот со Челзи и сакам да продолжам да работам. За две години го освоивме првенството и ФА Купот. Мислам дека докажав дека сум победник, сериски победник, и покрај тешкотиите, изјави Конте.

Останува да се почека на одлуката на раководството на „сините“ околу тренерската иднина на италијанскиот стручњак на клупата на Челзи. 

притисни ентер