Лазаров и Ѓорческа спортисти на Македонија за 2016 година

Капитенот на македонската ракометна репрезентација и член на Барселона, Кирил Лазаров по трет пат во неговата кариера го доби признанието спортист на Македонија кое традиционално се доделува на крајот на календарската година. Во женска категорија победничка е најдобрата македонска тенисерка Лина Ѓорческа.

Агенцијата за млади и спорт и Сојузот на спортски федерации вечерва на свечена церемонија во Македонскиот народен театар во Скопје доделија награди во девет категории, плус три наменети за основните, средните и високите школи.

Носители на признанието спортист на Македонија за 2016 година и добитници на статуетка, по категории се:

Најдобар спортист: Кирил Лазаров (ракомет);
Најдобра спортистка: Лина Ѓорческа (тенис);
Најдобра национална спортска федерација: Карате федерација на Македонија;
Најдобар тренер: Благоја Милевски (селектор на македонската фудбалската репрезентација до 21 година);
Најдобар машки национален тим: Фудбалска репрезентација на Македонија до 21 година;
Најдобар женски национален тим: Македонска ракометна репрезентација;
Најдобар спортист на лице со инвалидитет: Оливера Наковска – Бикова (стрелаштво);
Најдобар млад спортист: Филип Талевски (ракомет);
Најдобра млада спортистка: Моника Пендаровска (карате);
Најдобар колектив во универзитетски спорт: Женски карате тим во борби – Универзитет „Св. Кирил и Методиј“ – Скопје
Најдобар училишен спортски клуб од средно образование: СУ „Гоце Делчев“ – Куманово
Најдобар училишен спортски клуб од основно образование: ОУ „Гоце Делчев“ – Илинден.

Лопетеги останува селектор на Шпанија до 2020 година

Хулен Лопетеги уште две години ќе остане на селекторското место во Шпанија, соопшти тамошниот фудбалски сојуз.

Поранешниот голман на „црвената фурија“ ќе продолжи да работи до следното Европско првенство.

- Ние напорно работиме две години. Сега ја продолжуваме истата приказна, изјави Лопетеги.

Пред да ја преземе селекторската функција, работел како тренер во Порто, Реал и Рајо Ваљекано, а беше и предводник на младите шпански селекции до 19, 20 и 21 година.

за Порта, но исто така и како младински селектор, младински избор на Шпанија (У19, У20, У21), другиот тим на Реал Мадрид и Рајо Валекано.

Во пресрет на Мундијалот во Русија, селекторскиот договор го продолжија и селекторите на Германија Јоаким Лев и на Белгија, Роберт Мартинез.

Ловрен: Подготвен сум да го сопрам Роналдо

 Дефанзивецот на Ливерпул Дејан Ловрен изјави дека е подготвен да го чува најдобриот играчи во светот, Кристијано Роналдо и да придонесе за победата на својот тим над Реал Мадрид во финалето на Лигата на шампионите во Киев.

Хрватскиот стопер често беше критикуван за пропусти, но со голема доза на доверба го чека мечот со Реал.

- Иако имаше лоша сезона во Примера, Роналдо постигна 30 голови, го почитуваат и е еден од најдобрите светски напаѓачи. Пред мене е предизвик, ама јас сум подготвен да го запрам, изјави Ловрен за британските новинари.

Ливерпул оваа сезона во Лигата на шампионите прими 13 гола, додека Роналдо постигна 15, погодуваше речиси на секој меч, освен на последниот против Баерн Минхен.

Финалето Реал Мадрид - Ливерпул ќе се игра в сабота (26 мај) на Олимпискиот стадион во Киев. 

Вест Хем го промовира Пелегрини

Мануел Пелегрини од денеска и официјално е нов менаџер на премиерлигашот Вест Хем.

Чилеанецот и клубот од Лондон постигнаа договор за тригодишна соработка.

Сите детали биле договорени вчеравечер, по што двете страни го потпишале договорот, објавија англиските медиуми.

Пелегрини на клупата на Вест Хем ќе го наследи Дејвид Мојс кој си замина по само шест месеци, откако клубот сезоната ја заврши на 13. место.

Претходните две години чилеанскиот фудбалски стручњак го предводеше кинески Хебеј. Во Премиер лигата пред четири години со Манчестер Сити го освои шампионскиот трофеј.

притисни ентер