Червар: Веспрем е апсолутен фаворит во дуелот против нас

Ракометарите на Металург во вториот натпревар од СЕХА лигата сезонава ќе играат против вториот тим од ланските финалисти.


По минималниот пораз од Вардар (24:25) во вторникот, во недела во „ВИП Арената“ на СЦ „Борис Трајковски“ ќе гостува шампионот Веспрем. На денешната прес-конференција тренерот Лино Червар се наврати на дуелот со Вардар.

- Намерно ни беше одземено задоволството да се радуваме на дуелот со Вардар. Го ценам Вардар, но не е првпат да бидеме оштетени, рече Червар.

За неделниот ривал тој истакна е апсолутен фаворит, но и дека на играчите на Металург ќе им биде предизвик да играат против него.

- Веспрем има 30 играчи и речиси три постави. За нас ќе биде предизвик да се игра против нив. Со добра одбрана и ако ги намалиме техничките грешки имаме шанса за добар резултат. Но, Веспрем е апсолутен фаворит во дуелот со нас, истакна тренерот на Металург.

Во редовите на тимот ново име е Немања Младеновиќ.

- Веспрем е ланскиот финалист од Лигата на шампионите нема што повеќе да се каже. Ние секого почитуваме, но не се плашиме. Ова се натпревари на кои мораме да се докажеме, истакна Младеновиќ.

Натпреварот Металург – Веспрем е од 9.коло, но поради обврските на двата тима во Лигата на шампионите ќе се игра во недела вечер со почеток во 20:30 часот.   

Бизарна трка во Лондон, водечката натпреварувачка застана без причина (видео)

Необична ситуација се случи на трката на 3.000 метри за жени на атлетскиот митинг во Лондон, откако водечката натпреварувачка на половина круг до целта едноставно престана да трча и застана.

Во трката, која не се бодуваше за од Дијамантската лига победи Лилијан Касаит Ренгерук од Кенија, иако водечка натпреварувачка беше Фанту Ворку од Етиопија која на 200 метри од целта застана како трката да завршила и да победила.

Атлетичарката како што подоцна беше утвдено не била ниту повредена, ниту пак имала некаков друг проблем, туку згрешила мислејќи дека трката е завршена.

По ова сите останати атлетичарки ја поминаа, а 19-годишната Ворку на крајот остана без пласман.

Легендарниот атлетичар Мајкл Џонсон, кој како стручен консултант ја коментираше трката за Би-Би-Си, наведе дека досега не видел такво нешто и дека е бизарно.

 

Тухел: Тимот не е комплетен и затоа не сум среќен

Фудбалерите на Пари Сен Жермен беа поразени со 3:1 од Баерн Минхен на Интернационалниот куп на шампионите во Клагенфурт.

Претходно, ПСЖ загуби и во пријателски натпревар со Шамбли, а новиот тренер на парискиот клуб Томас Тухел и тогаш настапи со комбиниран состав од млади и неискусни играчи.

Тухел уште извесен период нема да го има на располагање комплетниот состав, бидејќи Нејмар, Едисон Кавани и Килијан Мбапе, по настапот за нивните репрезентации на Светското првенство во Русија, сега се на одмор.

- Имаме исклучително силен напад со Нејмар, Кавани и Мбапе, па затоа и се радувам на идната соработка со нив. Но, ќе мора да почекаме уште малку, бидејќи доста играа на Светското првенство. За жал тие ќе доцнат, а првенството ќе почне рано. Секако дека не сум среќен поради тоа, истакна Тухел.

Додека не дојдат останатите главна ѕвезда во тимот е новиот голман Џанлуиџи Буфон.

За фудбалерите на ПСЖ француското првенство ќе започне на 12 август, а во првото коло ќе играат против Каен. /МИА

Пo само една година од породувањето Фрејзер-Прајс доминантна во Лондон

Атлетичарката од Јамајка, Шели-Ен Фрејзер-Прајс победи на трката на 100 метри на атлетскиот митинг од Дијамантската лига во Лондон.

Двојната олимписка и седумкратната светска шампионка минатиот август доби син, а само по една година повторно доминира на атлетските патеки.

Фрејзер-Прајс истрча истрча под 11 секунди (10,98) и зад себе ги остави Американката Дезереа Брајант со 11,04 секунди и сонародничката од Јамајка Џониел Смит со 11,07 секунди.

- Навистина сум возбудена и ова е прекрасно. Паузирав и не обрнував внимание за тоа што другите мислат за моето враќање. Продолжив напорно да работам, а Лондон е дефинитивно најдоброто место за победа и тоа со време по 11 секунди што е фантастично, истакна Фрејзер-Прајс.

Јамајканската атлетичарка досега вкупно на Олимписките игри има освоено шест медали, а на светските шампионати девет. /МИА

притисни ентер