Втора победа за шампионот Мајами против Шарлот

Шампионот Мајами го победи Шарлот со 101:97 во една од трите ноќешни НБА плеј-оф пресметки. Ова беше втора победа за водство од 2:0 за Мајами во серијата прв до четири победи.
Домашните кошаркари ја добија само првата четвртина, но предноста од 29:19 остварена во тие 12 минути се покажа како решавачка за конечниот победник. Шарлот се обиде да направи пресврт, но успеа само да се доближи до четири негатива.

На другите два натпревара победи славеа гостинските екипи. Далас триумфира кај Сан Антонио со 113:92 и изедначи на 1:1. ќ

Екипата на Портланд гостуваше кај Хјустон и победи со 112:105. Ова беше втора победа на „Блејзерс“ пред настапите на домашен терен каде ќе брка уште две победи за конференциско полуфинале.

Три натпревари од разигрувањето за шампионската титула во НБА лигата се играат и вечерва. Двојките се: Атланта - Индијана (1-1 во победи), Мемфис - Оклахома (1-1) и Голден Стејт - ЛА Клиперс (1-1).

Парма ќе ја започне Серија А со - 5 поени, ѕвездата на тимот аут за две години

Повратникот во Серија „А“, Парма нема да биде изваден од елитата на италијанскиот фудбал. 

Оваа одлука ја донесе Националниот федерален суд на Италија, кој го казни тимот со одземање пет поени од сезоната 2018/2019 година, а исто така го исфрли Емануеле Калајо за две години од фудбалот. Првиот стрелец на екипата треба да плати и парична казна од 20.000 евра.

Напаѓачот беше фатен како разменува СМС-и со играчите на Специја пред натпреварот помеѓу двата тима кои ја донесоа промоцијата на Парма. 

Тимот првично беше загрозен од исфрлање од Серија „А“, како и одземање два бода од претходниот шампионат во „Б“ девизијата. Ова, сепак, ќе наложеше да се направат радикални промени, бидејќи „војводите“ влегоа директно, а со одземањето на два бода ќе требаа да играат во плеј-офот во минатогодишната сезона, каде што ќе требаше да се одиграат сите мечеви одново. 

Па така Парма остана во елитата, но ќе започне со минус пет бода, а главната цел пред екипата ќе биде останување меѓу најдобрите на Апенините. 

Хенес за Озил: Се радувам дека се повлече, не игра ништо со години

Претседателот на Баерн Минхен, Ули Хенес го нападна халфот на Арсенал, Месут Озил, кој вчера изненадувачки се повлече од репрезентацијата на Германија.

- Многу се радувам дека овој кошмар заврши. Тој не игра ништо со години. Последниот освоен дуел со него е пред Светското првенство во Бразил во 2014 година. А сега се сокри зад оваа слика (со турскиот претседател Ердоган -н.з.) за да ја оправда слабата игра. На Светското првенство во Русија никој не го постави прашањето зошто тој игра толку слабо, изјави Хенес пред „Билд“.

Хенес продолжи со нападите и за неговата презентација на клупско ниво.

- Секогаш кога сме играле против Арсенал, сме напаѓале во неговата зона, бидејќи сме свесни дека тој е нивната најслаба точка, вели претседателот на германскиот шампион.

Ливерпул пропуштил да го земе Алисон за многу помалку пари во 2015 година

 Вицешампионот на Европа, англиски Ливерпул даде 67 милиони фунти за привлекување на голманот Алисон, и логично, навивачите на „црвените“ се многу ентузијастички настроени поради неговото пристигнување.

Но, тие нема да бидат толку среќни кога ќе дознаат дека клубот можел да го привлече Алисон за само четири милиони фунти. Тоа било можно во јули 2015 година кога Ливерпул имал можност да го земе Бразилецот за само 3,1 милион фунти и дополнителни исплати од 900.000 од британската валута.

Тогаш агентот на играчот, Зе Марија Нејш, испратил детални информации за неговиот клиент во Ливерпул и неколку други тимови во Премиер лигата и Чемпионшип првенството.

Во тоа време Алисон веќе остави впечаток со настапите за младинските тимови на Бразил, но се уште немаше покажано што знае во Европа, поради што од Ливерпул се одлучиле да не ризикуваат со неговото привлекување. 

притисни ентер