ПМФЛ: Поразот на Хоризонт го искористи Вардар

Со натпреварите од 20.коло одиграни попладнево стартуваше пролетниот дел во фудбалскиот шампионат на Македонија, односно Првата лига.
Поразот на Хоризонт Турново во Штип, го искористи Вардар кој со минималната победа во Кичево кај Напредок ја презеде првата позиција на првенствената табела.

Фудбалерите на Работнички славеа убедлива победа против Пелистер во дерби дуелот по што „Романтичарите’’ се пробија на третото место.

Предноста на домашниот терен ја искористи Металург за минимална победа против Ренова, додека Еуромилк на гости го совлада последно пласираниот Гостивар.

Првото пролетно коло ќе биде комплетирано утре со средбата Шкендија – Македонија ЃП.

Прва лига - 20.коло
Брегалница - Хоризонт Турново 2:0.
Гостивар – Еуромилк 0:2
Металург – Ренова 1:0
Напредок – Вардар 0:1
Работнички – Пелистер 4:0
Шкендија - Македонија ЃП (недела од 14 часот)

Табела:
1. Вардар 37 бодови,
2. Хоризонт Турново 34,
3. Работнички 34,
4. Пелистер 34,
5. Металург 33,
6. Ренова 27,
7. Еуромилк 26,
8. Брегалница 25,
9. Шкендија 23 (-1 натпревар помалку),
10. Македонија ЃП 19 (-1),
11. Напредок 13 и
12. Гостивар 11. /Извор: МИА/

Виничиус презентиран на „Бернабе“: Го избрав најголемиот клуб во светот

 Бразилецот Виничиус Жуниор изјави дека доаѓа во најголемиот клуб во светот, откако беше претставен официјално како играч на Реал Мадрид.

Осумнаесетгодишниот талент беше купен уште пред неколку месеци од Фламенго, откако за него „белите“ платија 45 милиони евра. Во тоа време тој не можеше да дојде во Шпанија, бидејќи не беше полнолетен, но сега тоа веќе е факт.

По традиција Виничиус се фотографираше со 13-те трофеи од европските натпреварувања, заработени од кралскиот клуб, по што се појави и пред медиумите, заедно со својот татко, своите агенти, легендата Роналдо Назарио, кој е негов кум и се разбира претседателот Флорентино Перез.

- Ова е најубавата шанса што еден фудбалер може да ја добие. Подготвен сум да положам многу напор за да ја користам оваа можност. Доаѓам од скромно семејство, па сум подготвен цврсто да работам. Имав можност да бирам меѓу големи клубови и го избрав најголемиот. Ќе покажам на тренерот дека иако имам 18 години, јас сум подготвен да играм, изјави Виничиус.

Тој му се заблагодари на претседателот и раководството за довербата и додаде дека адаптацијата нема да биде лесна, но ќе направи сé што треба за да биде се во ред.

Традиционално по официјалниот дел Бразилецот се појави во дрес на теренот, каде што покажа некои од своите вештини со топката пред неколку илјади фанови на „белите“, кои дојдоа да го поздрават. 

Македонија ја совладаа Албанија на Европското првенство во Софија

 Младинската кошаркарска репрезентација на Македонија ја совлада Албанија со резултат 77:69 на Европското првенство (ЕП), дивизија Б, во Софија.

За македонските кошаркари ова е трета победа во низа и ќе се борат за пласман од деветто до 13-то место.

Натпреварот беше исполнет со резултатски осцилации, но избраниците на селекторот Никола Василев успеаа да се консолидираат во клучните моменти и во последната четвртина направија предност што им овозможи победа.

Најефикасен во македонскиот тим беше Виктор Ефремовски со 20, а Ранко Мамузиќ постигна 19 поени.

Претходно Македонија ги совлада Азербејџан и Белорусија, а претпре и два порази од Летонија и Белгија. Групната фаза македонските кошаркари ја завршија на третото место.

Милан сепак ќе игра во Лига Европа

Тимот на Милан, сепак, ќе игра во Лига Европа. „Росонерите“ ја освоија жалбата пред спортскиот арбитражен суд (КАС) против одлуката на УЕФА да ги извади од европските клубски турнири во сезоната 2018/2019 година.

На 27 јуни, УЕФА го санкционираше седумкратниот европски шампион за кршење на финансискиот фер-плеј, поконкретно за  критериумот за рамнотежа. Станува збор за периодот 2014-2017, кога Силвио Берлускони го предводеше клубот. 

Другиот критериум беше дека поранешниот сопственик Јонхон Ли не успеа да даде финансиска гаранција на клубот и да се оправда пред европската фудбалска централа, од каде доаѓа неговиот капитал и како ќе ги покрие обврските. 

Како што е познато, тој ги загуби „росонерите“ на 10 јули. Тогаш хеџ-фондот „Елиот Менаџмент“ ја презеде контролата над 18-кратниот шампион на Италија, откако Кинезот не успеа да најде 32 милиони евра за да го зголеми капиталот на гигантот од Милано и го пропушти рокот за враќање на заемот кон „Елиот Менаџмент“.

Американскиот инвестициски фонд, кој управува со средства од над 34 милијарди долари, според податоците од 2017 година, се осигури дека минимум три години ќе се ангажира во развојот на клубот, откако се зборува за сериозен развој на маркетинг операциите и изградба на нов стадион.

Токму тоа беше адутот на кој „росонерите“ се потпираа во рочиштето за жалбата, кое вчера траеше повеќе 12 и пол часа. Делегацијата на Милан, предводена од Марко Фасоне и претставникот на „Елиот“ - Френк Твил рекоа дека клубот веќе има јасна иднина, како и финансиска стабилност. 

„Росонерите“ се одбранија и со тоа што УЕФА била многу мека против ПСЖ, Манчестер Сити и Интер, кои поминаа со многу полесни казни при нарушувањето на финансискиот ферплеј во последниве години. /МИА

притисни ентер