Србија победник во Светската ватерполо лига

Српската ватерполо репрезентација е победник на 12.то издание на Светската лига, откако во финалето на завршниот турнир во рускиот град Челјабинск ја победи Унгарија со 12:7. По четвртини 4:3; 3:1; 2:2 и 3:1.



За Србија ова е седми триумф во исто толку финалиња во Светската лига, во која досега има освоени и по едно сребро и бронза и со вкупно девет медали таа е најуспешната репрезентација во ова натпреварување.

Унгарија останува второрангирана селекција по бројот на освоени медали, има вкупно шест (2 златни, 3 сребрени и 1 бронзен).

Бронзениот медал го освои Црна Гора која со 13:11 ја совлада селекцијата на САД по подоброто изведување на пенали, откако регуларниот дел заврши без победник 10:10. 
притисни ентер