Со 17 каратисти Македонија ќе учествува на 48 Европски шампионат во Будимпешта

Карате репрезентацијата на Македонија отпатува за Будимпешта, каде што ќе настапи на 48. Европско првенство за сениори.

Годинава ова е најзначајното натпреварување  во светското карате , на кое Македонија ќе ја претставуваат 17 -мина натпреварувачи, од кои 14 се во борби, а 3 во кати.
Поединечно се очекува да настапат :
-60 кг Емил Павлов
-67 кг Тодор Ристески
-75 кг Мартин Петрески
-84 кг Берат Јакупи,
+84 кг Мартин Несторовски.
-50 кг Сара Радичевска
-55 кг Теодора Бошкоска
-61 кг Наташа Стефановска
-68 кг Моника Стефановска
+68 кг Драгана Тодорова.
Покрај поединечните настапи, во екипна конкуренција во борби треба да настапат уште и Иво Цветковски, Жарко Арсовски, Сашко Патраклиев и Симон Антиќ.
Во дисциплината кати Македонија ќе ја претставува :
Пуликсенија Јованоска -поединечно, а во екипно заедно со неа се уште и Марија Матракоска и Зорица Спиркоска.
Каратистите ќе ги водат -Петар Белистојаноски, тренер на државната репрезентација во борби, Златко Димоски, тренер во кати, како и помошник тренерот во борби Арлинд Хусеини.


На Европското првенство во Будимпешта се очекува да настапат најдобрите каратисти од над 45 земји.
притисни ентер