Мирко Филиповиќ се повлекува од боречките арени?

Мирко Филиповиќ Кро Коп се уште се двоуми околу неговото повлекување од боречките спортови.



Легендарниот хрватски кикбоксер пред некоја недела на 38-годишна возраст го освои појасот во К-1, но и покрај тоа што триумфот во неговиот загреб му ја врати самодовербата, изјави дека веројатно би му било најпаметно да се пензионира додека е се уште на врвот.

Филиповиќ изјави дека не сака да наседне на замката да се бори за шака долари и да ја уништи својата репутација, но се уште сонува за победа во У-Еф-Це шампионатот, во кој не успеа да го наметне својот стил на борба. За Кро Коп најголемата титула во неговиот живот е онаа која ја освои во организацијата Прајд пред седум години, кога беше во врвот на својата форма во ММА, а негово евентуално напуштање на спортот би било голема загуба за фановите на боречките вештини.

Министерот Спасовски оствари средба со амбасадорката на САД Кејт Мари Брнз

Акцентот на средбата беше ставен на процесот на интеграција кон Европската Унија и членството на Република Македонија во НАТО.

Извонредната соработка, партнерството и пријателството кои Република Македонија и САД ги негуваат беа уште еднаш потврдени на денешната работна средба помеѓу министерот за внатрешни работи на Република Македонија Оливер Спасовски и амбасадорката на САД Н.Е. Кејт Мари Брнз, придружувана од Даглас В. Мејден, Програм менаџер на ИЦИТАП Програмата и Хит Вард, Регионален офицер за безбедност, што се одржа во Министерството за внатрешни работи на Република Македонија.

Акцентот на средбата беше ставен на процесот на интеграција кон Европската Унија и членството на Република Македонија во НАТО, како и борбата против организираниот криминал, трговијата со луѓе, илегалната миграција, тероризмот и сајбер криминалот. Министерот Спасовски укажа на несмалениот интензитет во заложбите за јакнење на професионализацијата во полицијата, што ќе придонесе за успешно надминување на предизвиците во активностите на Министерството за внатрешни работи.

Соговорниците уште еднаш ги потврдија партнерството и соработката, а на министерот Спасовски му беа упатени честитки со желба за успех во понатамошната работа на чело на Министерството за внатрешни работи, стои во соопштението од МВР.

Шилегов најавува дека наскоро ќе се отвори стационарот

Продолжуваат маките на скопјани со кучињата скитници, а пријави за напади од иститите можат да се забележат секојдневно во билтените.

Граѓаните велат дека се исплашени и дека веќе мора да се пронајде долгорочно решение за состојбата, но сепак истото да биде хумано, бидејќи и тие кучиња се малтретирани на улиците сметаат анкетираните.

Кучињата скитиници? Немам коментар, тоа е хаос, лудница е, треба да се преземе нешто.

Постојано велат дека ќе го решат проблемот, ама не знам дали ќе биде така, многу работи се кажани ама не се направени. А некои што треба да ги приберат треба да ги приберат, зошто да ги тепаат по улициве

Да ама да биде како што треба, не како другите стационари, „Вардариште како што беше“

Тие па ич не ги сакам, не, не, секаде ги има и луѓе што се плашат бегаат..

Од друга страна, долго очекуваниот стационар „Лајка“ кој треба да го реши проблемот веќе имаше неколку одложувања на датумите за отворање. Денеска градоначалникот на Скопје, Петре Шилегов најави дека до крајот на месецот веќе конечно ќе биде ставен во функција и на служба на граѓаните.

Скоро целосно е готов, останува уште во една од халите да се спроведе електрика, јас мислам дека до крајот на оваа недела целосно ќе завршиме со уредувањето. Агенцијата има закажано контрола на 25-ти септември, со цел да после тоа од кога ќе биде одобрено функционирањето да го ставиме стационарот во полна употреба.

Скопје во моментов е без стационар, бидејќи „Вардариште“ кој беше во надлежност на ЈП Комунална хигиена е затворен со месеци. Со ставањето во фунција на „Лајка“ се очекува да профунционира и 24 часовна шинтерска служба, која ќе ги заловува кучињата за кои ќе добие пријава од граѓаните.

ВМРО-ДПМНЕ: Инциденти на етничка основа им одговараат единствено на СДСМ за да го прикријат неуспехот

Петре Шилегов повторно заборава дека три години е СДСМ на власт и повторно не знае што зборува.

Единствената вина за меѓуетничките тензии и ситуацијата во која е доведена државата е кај СДСМ и оваа Влада. Ова е општествен проблем и го доведува во прашање однесувањето и одговорноста на институциите дали работат или воопшто не работат на превенција бидејќи најмалку три години се зборува и се пласира една флоскула „едно општество за сите“.

Корист од меѓуетнички тензии во моментов имаат само СДСМ кои крахираат на секој поглед и им доаѓа до израз неспособноста.

Ако лидерот на тепачите од Кале стана заменик - премиер со право на вето, каква ли порака испраќа СДСМ?

Ваквите инциденти на етничка основа им одговараат единствено на СДСМ за да го прикријат неуспехот, кои пак се подготвени да го сторат тоа и по цена на човечки животи.

Ова не е едностран инцидент, ниту е нов инцидент, нешто што не е забележано досега. Институциите мора да имаат предвид и да реагираат и да превенираат и да ја осудат и пошироката слика на пример од стадионите во Чаир и во Тетово каде што исто така има сериозно прекршување и сериозно испраќање на порака, говор на омраза. Уште еднаш порачуваме дека ВМРО-ДПМНЕ го осудува говорот на омраза и не поддржува говор на омраза, но ова е пошироко општествен проблем за кој што мора да се работи на превенција, а не СДСМ да има корист од истиот.

Центар за комуникации на ВМРО-ДПМНЕ

притисни ентер