ЛШ. Гигантски судири во Париз и Минхен на отворањето на четврфиналето

Фудбалска Европа трепери во очекување на утрешните први четврт финални средби од Лигата на шампионите.




Вторник е денот за кој се закажани двете битки на титаните во оваа фаза на елитното натпреварување.

Со помилувањето кое го доби од УЕФА, Златан Ибрахимовиќ утре ќе може да се соочи со неговите поранешни соиграчи од Барселона на Паркот на принцовите.

Според сите најави од таборот на Пари Сен Жермен, ова е мечот за кој и тимот беше создаден од арапските милијардери, но Барселона утре ќе има дополнителен поттик во враќањето на тренерот Тито Виланова на клупата на Каталонците по боледувањето.

И вториот утрешен натпревар е мега дерби, екипите кои се на добар пат да ги одбранат титулите во германското и италијанското првенство се среќаваат во Минхен. Баерн има 17 победи во последните 18 натпревари на Алијанц арената а во последниот дуел го прегази Хамбург со неверојатни 9-2, но традицијата е страна на Јувентус кој пет пати во историјата го минал четвртфиналето кога против себе имал германски тим.

Во среда ќе се одиграат вторите две четвртфинални средби меѓу Малага и Борусија Д. и Реал М. и Галатасарај.
притисни ентер